Брзиот начин на живот често не ни остава доволно време за одмор, релаксација и слободно време. Новото научно истражување откри колку слободно време ни треба во текот на еден ден за да се чувствуваме задоволни и среќни.
стражувањето спроведено на оваа тема откри дека луѓето кои имаат и до два часа слободно време дневно се посреќни од оние кои немаат.
Меѓутоа, оние кои имале 5 или 6 часа слободно време рекле дека се чувствувале полошо. Истражувачите дошле до заклучок дека луѓето со повеќе слободно време генерално имале повисоко ниво на субјективна благосостојба, но само до одредена точка. Во новото истражување, научниците ги анализираа податоците од две опсежни студии за тоа како Американците го поминуваат своето време.
Истражувањата заедно опфатија повеќе од 35.000 испитаници. Резултатите покажале дека луѓето кои имале и до 2 часа слободно време дневно, генерално биле подобри од оние кои имале помалку слободно време, додека премногу слободно време не е добро за менталното здравје на човекот.
Според овие резултати, два до три часа слободно време дневно е најдобриот клуч за чувство на задоволство.
- Иако премалку време е лошо, повеќе време не е секогаш подобро – вели Мариса Шариф, водечки автор на истражувањето.
Научниците сметаат дека благосостојбата ќе биде загрозена доколку не се искористи слободното време. Иако овој експеримент беше хипотетички, што е едно ограничување на новото истражување, тој секако е во согласност со другите истражувања кои покажуваат дека одржувањето на протокот може да биде добро за менталното здравје на луѓето.
Се разбира, што е „продуктивно“ зависи од вас. Ако гледањето два часа од серијата во слободното време ви ја зголемува среќата, треба да го направите тоа.
