Можеби секој знае пар кој е пример за тоа што е среќен долгорочен брак. Познаваме и парови кои по долги години одлучуваат да се разведат. Причините можат да бидат многу – зависности на еден партнер, присуство на физичко и емоционално вознемирување, немање доволно финансии во семејството, разидување во желбата за деца.
Но, што друго би можело да предизвика двојката во брак повеќе од 10 или 15 години да ја прекине заедницата со развод?
- Партнерите не се сакаат. Некои парови имаат добар заеднички живот, како што се грижата за децата и споделувањето на обврските, но поради тежината на обврските и животните предизвици, можеби ја изгубиле наклонетоста еден кон друг.
- Мамење. Неверството е исто така една од главните причини за развод во долгорочен брак.
- Желба за независност. Партнерите кои премногу долго зависат од својот брачен другар често бараат независност како што стареат. Ова може да се случи по породилното отсуство на пример. Кај мажите тоа може да се манифестира и со постигнување успех, финансиска стабилност. Колку една личност е финансиски постабилна, толку станува понезависна.
- Нерешени минати прашања. Тие би можеле да се појават во иднина и тоа би можело да доведе до крај на бракот.
- Желба за нешто подобро од животот. Паровите кои минуваат низ средовечна криза често го напуштаат бракот во потрага по нов идентитет. Исто така, луѓето се менуваат со текот на годините сфаќаат дека се само двајца луѓе кои живеат под еден покрив и им треба нешто ново.
- Недостаток на комуникација. Тоа е една од водечките причини за развод, дури и во долготрајните бракови. Можеби недостигало комуникација на почетокот на љубовната врска или имало споделување, разговори, но со текот на времето потребната комуникација згаснала и исчезнала. Овој недостаток често предизвикува недоверба, сомнежи.
- Недостаток на еднаквост и идентитет. Поминувањето време заедно е одлично, но секој партнер треба да има свое време за хоби, запознавање пријатели, забава, интереси. Ако едниот го изгуби идентитетот, размислува да го напушти бракот затоа што се чувствува задушено во него, или другиот го напушта бракот затоа што партнерот повеќе не го интересира.
- Партнерите никогаш не биле вистински заљубени. Некои парови се во брак долги години, но можеби никогаш не биле вљубени еден во друг. Тие може да се преправаат дека се среќен пар заради нивниот социјален имиџ или заради своите деца. Можно е да се венчале затоа што биле изненадени од веста за очекувано бебе, под притисок на роднините, финансиска добивка.
- Неуспех на работа. Професионалниот неуспех може да го оштети бракот. Тоа може да доведе до финансиска криза и да направи неуспешниот партнер да се чувствува недостоен. Општо земено, стресот од таквите неуспеси може да доведе до развод.
- Различни сексуални преференции. Сексуалната интимност е важен дел од секој брак. Многу парови избегнуваат да разговараат за своите желби или не вложуваат напор да го диверзифицираат интимниот свет со партнерот.
