Вкусни се, ароматични, сакаме да ги јадеме свежи или да правиме џем од нив. Малините, едно од најкорисните овошја што треба почесто да го додаваме во нашето мени. Проверете 13 добри причини зошто да го направите тоа.
- Јадете малини за здраво срце. Овошјето содржи антоцијани, соединенија кои играат клучна улога во намалувањето на оксидативното оштетување и воспаленијата поврзани со кардиоваскуларните болести. Според некои истражувања, редовното консумирање малини го подобрува здравјето на крвните садови и циркулацијата.
- Богати се со витамин Ц, кој е важен и за здравјето на срцето, но и за синтезата на колагенот и имунитетот.
- Високата содржина на антиоксиданси во малините го фаворизира квалитетот на спермата. Се верува дека консумирањето малини го поддржува сексуалното здравје кај двата пола и ја зголемува плодноста. Малините содржат и цинк, кој го стимулира либидото.
- Според научниците, малините помагаат да се подобри рамнотежата на инсулинот и шеќерот во крвта.
- Погодни се за слабеење, благодарение на малкуте калории, влакна и манган содржани во нив. Минералот манган го поттикнува метаболизмот и помага побрзо согорување на мастите. Исто така, вкусното овошје нема маснотии.
- Флавоноидите и полифенолните соединенија во малините се многу важни за здравјето на очите.
- Зајакнете го вашиот имунитет со ова суперовошје.
- Нивното редовно консумирање ги намалува воспалителните процеси во организмот.
- За подобра меморија. Друга причина да додадете малини во вашата исхрана е нивната висока содржина на фитонутритиенти. Се покажа дека овие соединенија ја подобруваат функцијата на мозокот и когнитивниот пад поврзан со возраста.
- Забавете го процесот на стареење, благодарение на антиоксидансите кои се грижат за здравјето и убавината на кожата. Малините содржат голем број на соединенија кои ги спречуваат штетните ефекти на сонцето, ја инхибираат синтезата на меланин на интрацелуларно ниво.
- Подобрете го варењето. Како што споменавме, малините ни обезбедуваат влакна, кои се исклучително корисни за здравјето на дигестивниот систем.
- Олеснете го артритисот со намалување на воспалението и непријатноста со почесто јадење вкусни малини. Според експертите, овошјето може да ја намали и ресорпцијата на коските.
- Консумирајте за здрава и убава коса. Овошјето содржи големи количини на фолна киселина, која е важна за синтезата на црвените крвни зрнца кои носат кислород до секоја клетка во телото. Ова е исто така важно за фоликулите на косата, на кои им е потребна добра циркулација на крвта, кислород и хранливи материи.
