На косата и треба добра хидратација за да биде здрава, жива и сјајна. Во есен и зима, кога воздухот е студен, сув и агресивен за косата, на косата и е потребна уште подлабока хидратација за да изгледа совршено. Најдобрата нега што можете да ја дадете е онаа која вклучува природни производи од природата. Со нивна помош можете длабоко да ја хидрирате косата и да ја нахраните со најсоодветните материи.
Домашните маски за коса не се за потценување. Ако во нив ги вклучите вистинските производи за длабинска хидратација, вашата коса ќе заживее, повторно ќе блесне, а косата ќе биде измазнета.
Кои се најдобрите маски за длабока хидратација во зима?
Маска со кокосово масло, мајонез и јогурт
Состојки:
2 лажици јогурт;
½ чаша мајонез;
2 лажици кокосово масло, стопено.
Стопете го кокосовото масло на пареа. Во сад измешајте ги јогуртот и мајонезот, почекајте кокосовото масло да се излади пред да ги додадете другите состојки. Нанесете ја маската на влажна коса. Оставете да делува 2 часа или преку ноќ пред да се измиете.
Маска со јаболков оцет, аспирин и масло од чајно дрво
Состојки:
½ чаша јаболков оцет;
½ чаша вода;
10-12 капки масло од чајно дрво;
1 таблета аспирин.
Сомелете го аспиринот во прав. Измешајте ги сите состојки во шише со распрскувач. Протресете многу добро додека целосно не се измеша и раствори. Обилно прскајте ја косата, внимавајќи течноста да навлезе во скалпот и по целата должина на косата. Оставете да делува 30 минути. Измијте се со шампон и нанесете регенератор.
Маска со авокадо, маслиново масло и мед
Состојки:
1 и ½ авокадо;
2 лажици ладно цедено маслиново масло;
2 лажици мед;
Сок од ½ лимон;
3 капки есенцијално масло по ваш избор.
Измешајте ги сите состојки во блендер додека не добиете мазна паста. Нанесете на влажна коса. Завиткајте со крпа и оставете 2 часа. Измијте се со шампон и нанесете хидратантна маска.
