Од креми кои ‘за чудо’ го затегнуваат лицето и ги бришат брчките, до милион варијанти на фитнес уреди кои гарантираат рамен стомак, витко тело и беспрекорна убавина – индустријата за убавина нè следи по стапките и постојано не бомбардира со нови производи.
За среќа, овие уреди денес изгледаат барем малку поприфатливи од оние од минатиот век – и сигурни сме дека тие се далеку понеболни….
Микрометар на убавина
Максимилијан Факторович, кој во 1909 година отворил мала продавница за козметика, а денес е гигант познат како Макс Фактор, покрај кармините и маскарите со врвен квалитет, имал и еден прилично интересен изум – Микрометар за убавина.
Микрометарот е измислен во 1932 година и служел како инструмент дизајниран за откривање на несовршености на женското лице, несовршености што подоцна можеле да се поправат со шминка на „искусен оператор“.
Гумена маска за лице
Секој што имал „дефект на лицето“ во 1912 година бил среќен што меѓу нив живеела, шетала и измислувала нови уреди Лилијан Бендер, која исто така го измислила овој супер удобен уред кој ветувал „отстранување на брчките и вишокот месо“ преку целосно прилагодлива гумена маска.
Овој уред, кој изгледа како корсет за лицето, веројатно служел и како инспирација за маската на д-р Ханибал Лектор во филмот „Кога јагнињата ќе стивнат“.
Намалувач и разубавувач на брада
Дали имате проблематична брада? Нема потреба да се грижите! „Намалувачот и разубавувачот на брадата“ на професорот Јуџин Мек е тука за да го спаси денот (и вашиот изглед).
Овој уред од 1890 година, наводно, може да ја елиминира и избрише „двојната брада“, се разбира, под претпоставка дека ќе ги повлечете каблите доволно силно.
Појас за нос
За сите оние кои биле живи на почетокот на 20 век и не биле задоволни со изгледот на носот, добрата вест била што тие не морале да прибегнуваат кон скапи и болни пластични операции. Лошата вест е друга опција: Традос – оформувач на носот.
Моделот 22 бил доста популарен во 1918 година, но „специјалистот за лице“ М. Трилети, пронаоѓачот на уредот, не застанал само на тој модел. До 1928 година, Трилети бил „експерт за обликување на нос“ кој понудил брза, „безболна“ и трајна корекција на носот со својот нов модел – моделот 25.
Направа за правење дупчиња на образите
Изабела Гилберт сигурно поминала низ вистински пекол во животот со недостаток на дупки на образите, бидејќи што друго би можело да направи некој да измисли уред што ги создава?
Во 1936 година, Изабела го измислила овој необичен уред кој ветувал „фин сет дупки на образите“. Не сме сигурни какви биле резултатите од носењето на уредот и дали воопшто ги имало.
