Според некои истражувања, денешната просечна жена бакнува околу 15 мажи, има 2 долги врски и страда од скршено срце најмалку 2 пати пред да го запознае мажот со кој ќе се омажи. Но, поважно во нашата денешна статија е дека првиот бакнеж ни кажува многу за некоја личност и може да ни покаже каков ќе биде нашиот однос со неа. Затоа денес за вас подготвивме листа од 8 работи кои можете да ги дознаете за вашиот партнер по првиот бакнеж, доколку се сетите да обрнете внимание на нив.
1. Дали има хемија меѓу вас?
Хемијата меѓу двајца луѓе не се опишува со зборови, тоа е нешто што се чувствува. Кога се допираат усните, посакувате моментот да трае вечно или брзате да се повлечете? Дури и ако вашиот партнер не е одличен во бакнување, ако чувствувате привлечност и возбуда, тоа е одличен знак. Меѓутоа, ако се чувствувате разочарани уште од првите бакнежи и не чувствувате никакви искри, тешко дека тоа некогаш ќе се промени.
2. Дали ќе биде добар во кревет?
Начинот на кој една личност се бакнува може да ни каже и каквa ќе бидe во кревет. Внимавајте не само на неговите усни, туку и што прави со рацете, како се движи, кои делови од вашето тело ги гали, дали е агресивен. Ако се држите за раце, ако го потпре телото на вашето, ако нозете ви се испреплетени – сето тоа создава дополнителна врска меѓу вас, а ако го користи целото тело во бакнежите, најверојатно ќе биде поактивен љубовник.
3. Дали е сигурен во себе?
Начинот на кој ќе му пристапи на првиот бакнеж може да ви каже колку е самоуверен. Дали нервозно се мачи со клучевите пред да реши да ве бакне? Дали тој одеднаш одлучил да ве бакне? Дали тој поминува со прстите низ вашата коса? Дали се плаши да го сретне вашиот поглед пред и потоа? Самоуверената личност знае што прави и не се кае за своите постапки. Ако и двајцата се чувствувате возбудено, но самоуверено на вашиот прв бакнеж, тоа е многу добар знак. Друг знак на самодоверба е ако не се плаши да ви даде комплименти после бакнежот или само да ги покаже своите емоции. Ако е откриен во такво време, тогаш тој е искрен и нема да има никакви тајни меѓу вас.
4. Дали се грижи за себе?
Јасно е дека личната хигиена е важна, но на првиот бакнеж ретко размислуваме за хигиената на другиот. Меѓутоа, бакнежот може да ни открие и дали личноста спроти нас се грижи за себе. Дали неговиот здив мириса на пеперминт? Дали се чувствувате како да бакнувате парфем? Дали мириса добро? Ако одговорот е да, тој се грижи за вашето мислење и се грижи за себе. Меѓутоа, ако неговата лоша хигиена ви остави впечаток, ова тешко дека ќе биде изолиран случај.
5. Дали е добар слушател?
Кога се бакнуваме, не можеме гласно да ги изразиме своите желби, но можеме да ги покажеме со говорот на телото. Главниот трик е да видите дали партнерот го следи вашиот ритам и дали му покажувате дека нешто не ви се допаѓа – да престанете. Со секој бакнеж, испраќаме десетици мали сигнали кои му кажуваат на другиот колку брзо треба да биде темпото, колку јазик да користи, дали да биде поагресивен или да се повлече. Ако ги чита овие сигнали, тој обрнува внимание на вашите желби и потреби.
6. Колку сериозна ќе биде вашата врска?
Очигледно е дека бакнежот покажува интерес, но неговите намери не се нужно сериозни. Сепак, постои начин да се каже каква врска сака според типот на бакнеж. Дали беше особено нежен и внимателен? Дали бакнежот беше малку избрзан? Дали застана само на бакнеж или не пропушти да ве допре? Не заборавајте за сопствените чувства. Дали сакате повеќе од тие бакнежи? Дали тоа ве натера да сонувате? Или не можете да замислите ништо сериозно со таква личност?
7. Дали постапува набрзина?
Првиот бакнеж може да ни покаже и дали личноста спроти нас е нетрпелива. Ако брза да те бакне, ако ти го „забил“ јазикот во уво, брза да ја стави раката под твојата блуза и слично, тој дефинитивно сака само да спие со тебе. Ако сите негови постапки се многу избрзани и прават да се чувствувате непријатно, тој тешко ве сфаќа сериозно, но уште повеќе, тој дефинитивно не е трпелива личност и не може да ужива во моментот.
8. Дали ве цени?
Неговото однесување по бакнежот го покажува и неговиот однос кон вас. Само погледнете ја неговата реакција. Дали е насмеан и среќен што му дозволивте да ве бакне? Дали неговите очи блескаат од желба, но делуваат витешки? Потврдните одговори на овие прашања покажуваат дека тој ве цени и ужива да биде со вас.
