Постојат различни природни техники за бојадисување јајца, а едно растение може да ги претвори вашите јајца во магија.
Без вештачки бои, дополнителни слики и многу напор – ова е една од наједноставните природни техники за сликање јајца, а ви треба сушен цвет, односно чај од хибискус.
Ви треба:
- бели јајца
- 80 гр чај хибискус (доволно за 10 јајца)
- алкохолен оцет 1 лажица масло
- Проѕирна фолија
Подготовка:
Истурете вода во шерпата, ставете хибискус и оцет. Кога водата ќе се загрее до вриење, ставете јајца во неа. Оставете ги јајцата да се готват на тивок оган. Кога ќе се сварат и ја забележите бојата на нив, тргнете ги од оган.
Извадете го јајцето, ставете го на проѕирна фолија и ставете неколку цвеќиња од хибискус што сте ги зготвиле. Јајцето со сварените цвеќиња завиткајте го во фолија и оставете го да отстои околу половина час. Одвиткајте го јајцето, оставете го да се исуши, па премачкајте го со масло.
Оваа шема добиена со природна техника целосно ќе ве воодушеви.
