Млеко
Освен витамини Б12 и Б2, млекото содржи и многу антиоксиданси кои ги уништуваат слободните радикали што се асоцираат со стресот.
Млекото и млечните продукти релаксираат и даваат енергија. Тие се богати со протеини и калциум и го подобруваат здравјето на коските и мускулите. Калциумот може да делува како лек за анксиозност и помага за враќање на смиреноста, а исто така ја намалува и напнатоста во мускулите.
Портокал
Стресот го намалува нивото на витамин Ц во телото, витамин кој што не се создава во организмот и кој што треба да го внесете преку исхраната. Витаминот Ц го подобрува имунитетот и го прави телото поотпорно во периоди на стрес. Исто така, побрзо го враќа во нормала нивото на хормонот на стресот – кортизол.
Риба
Лососот и другите мрсни риби, како харинга и скуша, се богати со омега-3 масни киселини, кои помагаат да се одржува нивото на кортизол и адреналин.
Омега-3 масните киселини се познати и по тоа што заштитуваат од срцеви заболувања.
Спанаќ
Спанаќот е одличен извор на магнезиум, а токму овој минерал го намалува нивото на стрес и го одржува телото во релаксирана состојба.
