Новото истражување би можело да биде од голема помош за лекарите за навреме да ги спречат фаталните последици од срцевите заболувања. Големината на зеницата открива ризик од срцев удар!
Научниците открија нов начин за предвидување на ризикот од смрт кај пациенти со срцеви проблеми. И покрај сите стандардни дијагностички тестови кои ја откриваат состојбата на срцето, постојат и други сигнали кои може да укажат дека сте изложени на ризик од срцев удар.
Една неодамнешна студија покажа дека големината на зеницата може да го предвиди ризикот од тешка срцева состојба (која бара хоспитализација) па дури и фатален исход кај луѓето кои страдаат од срцева слабост.
Според студијата, пациентите кои имаат срцева слабост, а се карактеризираат со помали зеници, имале помала стапка на преживување и поголем ризик од компликации поради проблеми со срцето. Ова откритие сугерира дека постои врска помеѓу големината на зеницата и влошувањето на срцевите заболувања.
Анализата на големината на зеницата може да покаже колку добро функционира автономниот нервен систем на една личност, кој е „задолжен“ за некои несвесни функции, како што е контролата на срцевиот ритам.
Што е автономниот нервен систем?
Автономниот нервен систем е дел од периферниот нервен систем и регулира одредени процеси во телото како што се дишењето, крвниот притисок и функциите на внатрешните органи. Овие функции се автоматски и се вршат на несвесно ниво и во соработка со соматскиот нервен систем.
Сепак, кај пациенти со срцева слабост, отчукувањата на срцето може да бидат неправилни. Бидејќи „однесувањето“ на зениците (т.е. како тие се стеснуваат или прошируваат во услови на светлина и темнина) го контролира и автономниот нервен систем, мерењето на нивната големина може на сличен начин да помогне да се утврди колку добро функционира тој систем.
За оваа студија, на пациентите им беа дадени очила и им беа дадени пет минути да ги прилагодат очите на темнината. После тоа време, истражувачите ја измериле површината на зениците, поделувајќи ги во две групи – оние со мали и оние со големи. Во темнината, зениците треба природно да се шират, така што автономниот нервен систем не функционира кај оние од „малата“ група.
По разгледувањето на другите можни срцеви компликации, истражувачите заклучија дека пациентите од групата „голема зеница“ имаат 28 отсто помали шанси да умрат од срцева слабост и 18 отсто помала веројатност да бидат повторно примени во болница, во споредба со оние од групите „ мали“. Ова откритие може да им помогне на лекарите да утврдат на кои пациенти со срцева слабост им е потребна поитна нега.
