Дали некогаш сте се почувствувале како жртва на емоционална манипулација ? Манипулирањето со емоции често е тешко да се препознае во романтична врска, особено ако го сакате партнерот и му верувате. Некои тактики се толку суптилни што почнувате да барате грешки во себе и да го преиспитувате сопственото однесување наместо туѓото. Манипулаторот се обидува да контролира како другата личност се чувствува, размислува и се однесува, а тоа може негативно да влијае на менталното здравје на другиот и да предизвика сомнеж во себе и нивните вредности и квалитети. Постојаната манипулација во односите може да влијае на вашата самодоверба и може да предизвика симптоми на анксиозност или депресија.
Еве неколку знаци дека вашиот партнер во врска манипулира со вашите чувства:
- Постојано ве поттикнуваат да се преиспитувате себеси, своите постапки и верувања и на тој начин ве одвлекуваат од грешките што ги прават.
- Пасивно-агресивно однесување – Тие би можеле да даваат саркастични коментари или шеги кои подоцна се обидуваат да ги оправдаат со фразата „Само се шегував“. или „Сè сфаќаш премногу лично“.
- Загрозување на самодовербата ,ќе направи се за да го натера човекот да се сомнева во себе.
- Игнорирање на тишината. Кога манипулаторот ќе се налути, тој обично престанува да зборува со вас и ве игнорира. Тоа е форма на емоционално казнување што прави да се чувствувате лошо и да го пронајдете виновникот.
- Имате чувство дека нешто не е во ред, но постојано го игнорирате.
- Манипулаторот изразува незадоволство од нешто што го кажувате или правите, особено кога се обидувате да поставите граници.
- Потоа, на крајот попуштате за да го израдува другиот и да се ослободи од вината.
- Вообичаен знак за манипулација е кога ќе почнете да го губите чувството за тоа кој сте откако ќе следите нечии отворени или прикриени барања да се откажете од вашето мислење и интереси.
- Се плашите од заминување, незадоволството на партнерот и ќе ги изневерите неговите очекувања.
- Почнувате да го доведувате во прашање вашето ментално здравје
Зошто некои луѓе манипулираат со овие емоции? Не секој што манипулира е всушност свесен дека тоа го прави. Можеби мислат дека врските функционираат така или дури веруваат дека ги манипулирате и мора да одговорат. Во некои случаи, тие може да бидат свесни за нивните постапки, но не и како тие влијаат на вас. Од друга страна, има и такви кои играат игри на манипулација, добро знаат што прават и какво влијание имаат врз другите. Иако истражувањата покажуваат дека повеќето луѓе се впуштаат во некоја форма на манипулација од време на време, луѓето кои редовно кориистат манипулативни тактики може да имаат сложени причини за нивната потреба за контрола.
Овие причини може да вклучуваат:
- имаат растројство на личноста, како што е нарцисоидно растројство на личноста (НПД) или хистрионско растројство на личноста
- тие се израснати во семејство каде најчесто се користела манипулација
- тие се плашат од губење контрола или осуда
- имаат слаби комуникациски вештини кои се мешаат во способноста за ефективно комуницирање на потребите
- имаат потреба постојано да се бранат поради разни фрустрации и стравови
- имаат вознемирен начин на приврзаност
Како да се заштитите од емоционален манипулатор? Најважно е прво да се детектираат сигналите за манипулација а потоа бидете свесни за вашите емоции додека комуницирате со него. Обидете се да обрнете внимание на тоа како се чувствувате блиски со оваа личност. Ако искусите непријатни емоции како што се сомневање во себе, страв или вина, размислете да одвоите малку време за јасно да размислите што се случува. После тоа отворено разговарајте со личноста која манипулира. Иако манипулаторите најчесто се трудат да отстапат од темата, вие останувате доследни и поставувате јасни граници. Дајте јасно што нема да толерирате. Можно е манипулацијата да се искорени преку посветеноста на манипулативната личност, а на многумина им е потребна стручна помош од психолог. Меѓутоа, доколку продолжи манипулативниот вител во врската со партнерот, можеби е време да размислите за напуштање на врска која не ви носи ништо добро.
