1. ЈАЈЦА
Едно големо јајце има 6 грама протеини и 72 калории. Во споредба со јаглехидратите и мастите, протеините ве одржуваат задоволни подолго време. Едно истражување покажа дека луѓето кои јаделе јајца за појадок се чувствуваат посити подолго време и изгубиле повеќе од двојно повеќе килограми од оние кои добивале иста количина на калории од колачи за појадок.
И додека јадењето само на белките ќе ви помогне да заштедите калории, исто така ќе изгубите половина од протеинот (околу 3 грама се во жолчката), што помага јајцата да бидат моќен избор за појадок. Покрај тоа, жолчката е богата со здрави хранливи материи, како што се калциум и антиоксиданси за заштита на очите – лутеин и зеаксантин. Жолчките од јајце се значаен извор на холестерол во исхраната. Но, поновата наука сугерира дека холестеролот во исхраната не е инхерентно лош за здравјето на срцето, а истражувачите мислат дека јадењето по едно цело јајце секој ден е добро за повеќето луѓе.
