Секој човек претпочита одредени бои повеќе од другите и тоа е сосема природно. Боите се многу важни за нас, дури и ако понекогаш не го сфаќаме тоа. Влијаат на нашето расположение, мотивација, желба за љубов. Дури се верува дека тие можат да ја зголемат или одземат нашата позитивна енергија. Да ја пречекаме следната календарска година радосни и да не пропуштаме да откриеме кои бои ќе ни бидат среќни според нашиот хороскопски знак.
Овен
Белата и жолтата ќе бидат боите кои ќе ви донесат среќа во новата 2023 година, драги Овни, секако освен црвената. Црвените бои симболизираат виталност, страст, сила. Од друга страна, сината, црната и зелената се боите кои треба да ги избегнувате!
Бик
Бикови, вашите бои на благосостојба во 2023 година се розова и бела. Бикот е земјен знак со кој владее Венера, а зелената исто така може да биде енергична за него. Западните астролози ве советуваат да ги носите овие две бои или да купите украсни предмети на пример за специјални настани и тоа на почетокот на годината доколку сакате многу среќна Нова година на љубовен, паричен план.
Близнаци
Жолтата и зелената се нијанси кои на Близнаците ќе им донесат многу успех во 2023. Овие бои симболизираат успех и среќа. Можете исто така да додадете розова и бела боја. Откако ќе доживеете моменти на напнатост или лутина, овие бои можат да ви помогнат да ја вратите рамнотежата.
Рак
Вашите бои за успех се бела, пурпурна, сребрена, златна и лимон жолта. Ова се и среќни бои, кои носат позитивни емоции за вас. Во 2023 година се очекува животот на Ракот да биде порадосен и се чини дека среќните нијанси ќе ви ги зголемат позитивните емоции и внимавајте со темните нијанси.
Лав
За да привлечат самодоверба и професионален успех, Лавовите можат да изберат бои како портокалова, жолта и чиста црвена. Лавот ќе стане посамоуверен и блескав кога ќе стави и накит на метал кој потсетува на злато. Не смееме да заборавиме дека Сонцето владее и влијае на вашиот знак, а боите како огнена портокалова, кралска виолетова и златна ја одразуваат вашата единствена природа. Овие нијанси ви дозволуваат да ја изразите вашата сјајна индивидуалност.
Девица
Според ѕвездената табела за 2023 година, нијансите како сина, зелена и светло жолта можат значително да ги подобрат вашите шанси за успех. Од друга страна, зелената боја ќе ви помогне да ги подобрите вашите комуникациски и интерперсонални вештини, што ќе ви помогне да создадете поисполнителни партнерства оваа година.
Вага
Боите како портокаловата и белата ја надополнуваат Венера, вашата владејачка планета. Иако светлите бои обично се најпосакувана опција за родените во овој знак, светло сината е исто така соодветна нијанса за вас. Тоа е неверојатно смирувачка боја која ќе ви помогне да го балансирате вашиот внатрешен мир кога работите околу вас се напнати.
Скорпија
Скорпијата е таинствена, трпелива и дарежлива во срцето. Понекогаш е тврдоглава и „шефица“, додека друг пат е сентиментална. Западните астролози предвидуваат дека нијансите како белата, црвената и портокаловата ќе бидат исклучително среќни за вас во 2023 година. Токму овие бои ќе ви помогнат да се прилагодите на суптилностите на животот и на луѓето кои се таму да ви помогнат.
Стрелец
Драги Стрелци, вашите бои за 2023 година се темно жолти или портокалово-жолти. Зелената исто така се смета за поволна боја за вас. Сините нијанси, кои симболизираат оптимизам, ќе ве исполнат и со позитивни мисли, возбуда и љубов кон животот.
Јарец
Боите како црна и виолетова се добар избор за претставниците на овој хороскопски знак. Сатурн, вашата владејачка планета, е во прекрасна комбинација со овие две нијанси. Покрај тоа, црната боја исто така ќе ви помогне да бидете потрпеливи кога е потребно. Жолтата и црвената се нијанси со кои треба да бидете повнимателни во 2023 година, бидејќи можат да ве натераат да дејствувате импулсивно.
Водолија
Се верува дека светло сините и виолетовите нијанси носат среќа и стабилност на Водолијата. Тоа се бои кои ја фаворизираат работата, врските, спречуваат тешкотии. Вие сте двоен карактер, Водолија, а има уште две бои за кои се верува дека ќе ви носат среќа во новата година – жолта и портокалова.
Риби
Портокаловата и жолтата се прекрасни бои за Рибите бидејќи го надополнуваат Јупитер, кој е нивната владејачка планета, позната по тоа што е планета на среќата, изобилството, можностите. Но, за среќа за мотивација и стимулација на интуицијата, можете да носите и розево. Во комбинација со жолта, ќе уживате во благосостојба и во работата и во врските.
