Ако ни треба некој да ни даде комплимент или партнерот постојано да кажува дека не сака, тоа значи дека нашата самодоверба е нарушена и дека зависи од проценката на другите. Важно е да се разбере дека секој ја гради самодовербата на различен начин. Ова се 5 знаци дека вашата самодоверба зависи од одобрувањето на другите луѓе.
1) Постојано бараат потврда за нивната вредност
Луѓето чија самодоверба зависи од одобрувањето на другите често се наоѓаат во циклус на постојано барање потврда за нивната вредност . Тие се чувствуваат непријатно ако не добијат позитивен фидбек од оние околу нив . Без разлика дали се работи за избор на подарок или нешто поважно. Постојаното барање валидација може да биде многу исцрпувачко за двете страни.
2) Претерано размислување и за најмал негативен коментар
Луѓето со разнишана самодоверба ја доживуваат секоја форма на критика како директен напад на нивната личност. Еден мал коментар за тоа дека зборувате премногу тивко или некоја несолена шега, може да ги вознемири до тој степен што ќе останат будни цела ноќ размислувајќи за тоа.
3) Парализирачки страв од грешки
Луѓето без самодоверба се преплашени од можноста да бидат отфрлени, што укажува на нивната зависност од мислењата на другите . Луѓето кои се плашат да направат грешки честопати се грижат прекумерно да не ги разочараат другите или да бидат осудени. Затоа не сакаат да испробуваат нови работи и да ризикуваат. Наместо грешките да ги гледаат како природен дел од учењето и растењето, тие ги гледаат како лични неуспеси или недостатоци.Овој страв може сериозно да го ограничи личниот развој и искуства, што го отежнува излегувањето од зоната на удобност.
4) Тешко е да се каже „не“
Луѓето со нарушена самодоверба имаат проблем да постават јасни граници и да кажат што сакаат, а што не. Луѓето кои се борат со ова често им даваат приоритет на потребите и желбите на другите над нивните, плашејќи се дека нивното „не“ може да доведе до отфрлање или разочарување. Тие се трудат прекумерно, обидувајќи се да ги задоволат сите околу нив на сметка на сопствената среќа .
5) Тешкотии при прифаќање комплименти
Луѓето со ниска самодоверба не ги ценат нивните достигнувања и тешко ги прифаќаат комплиментите љубезно. Еден едноставен комплимент може да направи да се чувствуваат непријатно, да поцрвенат и да ви каже „Не, мора да лажете, денес изгледам ужасно!“ Патот до прифаќање комплименти е предизвик за многумина. Она што луѓето најмногу го ценат еден во друг е самодовербата и прифаќањето на себеси такви какви што сме.
