На традиционалната средба на Сојузот на хемичарите на Македонија, одржана на 30 септември во библиотеката на Институтот за хемија, беа презентирани постигнувањата од меѓународните натпревари и беше изразена благодарност за сите кои придонеле за успехот.
Мирчевски по трет пат го освои златниот медал на Македонската хемиска олимпијада. Дополнително, оваа година донесе два бронзени медала: еден од Менделевата хемиска олимпијада во Бело Хоризонте, Бразил, и друг од Меѓународната хемиска олимпијада во Дубаи, ОАЕ.
Со овој резултат, Петар постави нов рекорд и освои вкупно три бронзени и еден сребрен медал на најпрестижните светски олимпијади.
Сојузот на хемичарите упати јавна благодарност до Општина Прилеп за континуираната финансиска поддршка, која овозможи покривање на патните и организациските трошоци.
Петар, своето образование ќе го продолжи на Природно-математичкиот факултет во Скопје, каде што ќе студира хемија. Неговите успеси претставуваат инспирација за идните генерации ученици од Прилеп и Македонија.
Извор:ОТВ
