Во забрзаното секојдневие и навикнувањето на партнерот, вашата врска може да почне да изгледа како коловоз. И во тој коловоз вашите однесувања секој ден можат да изгледаат сосема нормални, дури и рутински, но тие можат да бидат скриен знак за наближувачки крај на врската.
Ако ги имате овие типови на однесување во вашата врска, може да ви изгледаат нормални, но всушност укажуваат на крај на односите со вашиот партнер.
1. Не разговарате за проблемите, ги избегнувате.
Игнорирањето на проблемите е многу сериозен сигнал за нарушена врска. Кога сте престанале да ги разгледувате проблемите, да барате решение, дури престанале сте и да се карате поради нив, бидејќи претпочитате бурата да помине – така и така сè ќе биде по старо и ништо нема да се промени – тоа значи дека крајот на врската се наближува.
Неподготвеноста да се соочите со партнерот, стравот, рамнодушноста се само дел од причините зошто ги избегнувате разговорите за болните теми и проблеми.
2. Сте почнале да голтате зборови и чувства.
Молчењето во врската, кое го предвестува нејзиниот крај, може да се изрази и во уште еден аспект – потиснување на потребата да се изразите преку зборови и постапки.
Премолчувањето на емоциите, нивното криење, голтањето на неизречени зборови се само дел од примерите за типови на однесување кои изгледаат како нешто нормално, но всушност укажуваат на сериозен пад во односите. Причините се различни – може да се чувствувате потиснати, неразбрани, да претпочитате да молчите за да избегнете конфликт или критика.
Без разлика што ве тера да премолчувате, ова однесување укажува на крај на вистинските односи какви што би се очекувало да постојат во една здрава врска.
3. Си давате премногу простор.
Да се има слободно време и личен простор е суштинско за секоја врска. Партнерите не можат да бидат хармонични и среќни заедно ако не го имаат своето драгоцено време посебно.
Но, кога овој личен простор почнува да зазема сè повеќе и повеќе време одвоено, тоа може да изгледа како нормално однесување во долготрајна врска, но всушност укажува на наближувачки крај. Ако најголемиот дел од времето го минувате одвоено, наместо заедно, станале сте како цимери.
4. Ги ставате децата, кучето, дури и мајка ви на прво место.
Многу е показателно кој е вашиот приоритет во односите. Ако центарот на вашиот свет не е вашиот партнер, туку вашите деца, миленичиња, родители или пријатели, тоа е јасен доказ дека врската е во сериозна и тешка состојба.
5. Кажувате мали лаги, но премногу често.
Нормално е не секогаш да ја кажуваме вистината. Понекогаш тоа е дури и подобро. Малите лаги доаѓаат на помош кога е подобро да се заштеди некоја вистина за да не се повреди некој.
Но кога малите лаги стануваат секојдневие и се изговараат постојано, без добра намера, туку за да се избегне мрморење, забелешки или караници, тогаш состојбата со врската е навистина лоша.
6. Не се допирате.
Имате врска со години. Имате деца. Имате многу проблеми на работа. Вашето секојдневие е исполнето со стрес. Секојдневно се враќате дома по инерција и толку сте навикнати на партнерот, што одамна сте заборавиле што значи да се допирате, а и не чувствувате потреба да го правите тоа. Се допирате само кога имате секс – што станува сè поретко.
А допирот е важен, и тоа многу – надвор од сексуалната игра. Тој е знак на интимност, блискост, љубов, желба, привлечност, посветеност. Кога тој исчезнува, врската е речиси осудена на крај.
7. Се споредувате со другите парови.
Ако имате долга врска или пак врска со проблеми, постои голема веројатност да се загледувате во другите парови и да ви изгледа дека нивниот живот е подобар од вашиот. И можно е тоа да е вистина. Ако сте стигнале до фазата да се споредувате со другите за да го проверите сопствениот живот, тоа значи дека длабоко во себе чувствувате дека нешто не е во ред, дека не сте среќни.
Ова може да ви изгледа како нормално однесување што многумина го имаат, но всушност укажува на сериозен пад во односите.
