Кога сме вљубени а не ни е возвратено тоа, или сме се разделиле од партнерот, обично се чувствуваме тажно, депресивно, плачеме, немаме желба за ништо. Велиме дека срцето ни е скршено.
Синдромот на скршено срце е придружен со тага, која тежи не само на мислата дека сме осамени, туку има и значително влијание врз телото. Стресот поврзан со него го намалува имунитетот, го зголемува крвниот притисок, отчукувањата на срцето, нивото на кортизол а се јавува физички замор.
- Преземете ја контролата
Првото нешто што обично се случува кога чувствуваме љубовна болка е да попуштиме на негативните емоции. Ја губиме желбата за омилените активности, хобија. Затоа, преземете контрола и бидете тврдоглави во остварувањето на вашите интереси.
- Не ја задржувајте емоционалната болка
Студиите покажуваат дека изразувањето на емоциите значително ја намалува реакцијата на стресот на телото. Ако ви се разговара -разговарајте со пријателите и роднините. Напишете на парче хартија кога немате со кого да разговарате или не сакате. Потоа раскинете и фрлете го напишаното, како да ја чистите душата од негативното.
- Не поставувајте временски рок за вашите емоции
И не дозволувајте другите да го поправат тоа. Вашето време на лекување за љубовната траума е само ваше. Но, не дозволувајте да трае премногу долго.
- Нахранете ја својата душа
Таа секогаш има потреба од грижа, што може да се изрази на многу различни начини – масажа, добра музика, концерт, театар, ароматерапија, итн.
- Не го занемарувајте вашето здравје
Кога страдаме од љубов, можно е некои хронични болки да не потсетуваат на себе или да се појават нови физички заболувања. Не го занемарувајте вашето здравје!
- Јадете здраво
Општо, кога страдаме од синдром на скршено срце, имаме две опции за јадење – не јадеме доволно затоа што немаме апетит или ја „ослободуваме“ тагата со набивање со нездрава храна. И тука треба да го покажете силниот карактер и да се грижите за вашето здравје и убавина со избирање здрава храна. Знаете дека тортите и мрсните плескавици нема да направат да се чувствувате подобро, напротив. Наскоро ќе забележите како тие добиваат на тежина, а тоа уште повеќе ќе ве депресира.
- Спијте доволно
Тешко е, нели? Кога страдате за некого да спиете убаво, но сепак е нешто што ќе мора да го надминете. Запомнете дека насобраниот замор само ќе почне да го влошува вашиот нормален ритам на живот.
- Изберете го вашиот социјален круг
Кога се борите со болката во љубовта, потребни ви се луѓе кои ве поддржуваат, со кои пријатно го поминувате времето, се чувствувате повторно наполнети. Не ви требаат негативни личности, оние кои на кој било начин и намерно ве враќаат назад во болното минато, кои ве прават на некој начин да се чувствувате виновни.
- Грижете се за умот и телото со различни активности
Обидете се со јога, медитација, спорт. Тие помагаат во ослободување од стресот, а помислата да направите нешто добро за себе прави да се чувствувате подобро.
