Диетите со малку јаглени хидрати гарантираат брзо губење на тежината и многу познати личности веќе му веруваат на овој режим. И додека елиминирањето на јаглехидратите ќе ви помогне да се збогувате со маснотиите, постојат голем број непријатни несакани ефекти. Еве некои од нив.
- Може да имате вртоглавица
Диетата со малку јаглени хидрати е генерално стресна за организмот затоа што повеќе не може да согорува гликоза за енергија и тоа обично предизвикува симптоми како гадење, главоболки и раздразливост.
- Ќе ви биде потешко да бидете активни
Кога вашето тело ќе се прилагоди на новата диета која се состои од многу малку јаглехидрати, почнува да согорува маснотии за енергија. Бидејќи тие се побавен извор на „гориво“ од гликозата, ќе ви биде потешко да вежбате, па дури и да пешачите подолго време. Се разбира, ова поминува по 14 до 20 дена.
- Му штети на срцето
Луѓето кои јадат многу малку јаглехидрати имаат поголем ризик од срцеви заболувања. Медицинските експерти го објаснуваат ова со фактот дека здравите јаглехидрати, како овошјето, се борат против воспалението и помагаат да се намали ризикот од акумулација на премногу маснотии во крвните садови.
- Вашиот метаболизам може да забави
Кога одеднаш запрете да консумирате јаглехидрати, тоа може привремено да предизвика запек. Јаглехидратите богати со отпорен скроб, како што е овесот, го забрзуваат метаболизмот, помагајќи да изгубите тежина побрзо.
- Може да се појават грчеви во мускулите
Многу луѓе кои се подложени на таков режим може да доживеат болни мускулни контракции. Драстичното намалување на јаглехидратите предизвикува вашето тело да изгуби повеќе електролити преку мокрење. Бидејќи овие минерали се неопходни за клеточна комуникација, ова може да доведе до грчеви во мускулите.
- Здивот може да се влоши
Некои луѓе може да забележат чуден вкус во устата и промена на мирисот на здивот (станува повеќе метален и амонијачен). Ова се случува затоа што кога вашето тело не може да добие енергија од јаглехидрати, почнува да ги разградува мастите и да ги претвора масните киселини во природни хемикалии наречени кетони.
