Драг мој (фала Богу) поранешен дечко,
Со доаѓањето на Новата година, сакам да ти изразам најискрени благодарности. Твоето исчезнување од мојот живот беше како ден без кафе – непријатно, изненадувачки и напорно да се справам со недостатокот. И покрај сè, ти благодарам за тој магичен момент што ме научи на вредноста на разочарувањето.
Твоето присуство и поддршка беа како неочекувано невреме – секогаш тука да ми го расипат расположението и да го украдат сјајот од мојот ден. Но сепак, благодарам за лекциите. Научив дека среќата не зависи од бројот на месеците заедно, туку од начинот на тоа како го трошиме времето, било тоа со насмевки или со безвредност.
Сфатив дека животот со тебе е како зависник од кофеин – тежок, несигурен и опасен по здравјето. Ти благодарам за сите лекции што ќе ми помогнат во новата ера во мојот живот, каде што среќата е вистински луксуз, а не пазарски артикл.
Размислувајќи за лекциите што ми ги даде, ти посакувам среќа да најдеш друга партнерка која ќе ти ги исполнува сите критериуми што ти ми ги постави. Сега сум ти благодарна, бидејќи знам точно што НЕ САКАМ.
Твоите приказни и објаснувања на она што мислиш дека е „партнерство” беа исклучително „воспитни“, слични на научно-фантастични приказни. Фала ти што ме научи да разликувам меѓу „заедничка визија” и „твојата контрола над сè”.
Се надевам дека ќе ја најдеш љубовта што ја бараш, со личност која може да ја поднесе твојата бескрајна потреба за одлуки и контрола. Нека Новата година ти донесе нешто ново, што не е толку напорно за „носење“ и „трпење“ како мене.
Среќна Нова година, се надевам дека не си се натрескал како секојпат и си ја посрамотил твојата придружничка или друштвото со твоето недолично (за тебе фраерско) однесување!
