Неврологот Ребека Сакс ја претстави најубавата „фотка“ на годината. Ова е снимка на магнетна резонанца од мајка која го бакнува својот двомесечен син. Усните поставени на главата на бебето веднаш предизвикуваат реакција во мозокот на бебето. Се ослободува допамин, кој дава чувство на благосостојба, но и окситоцин, наречен „хормон на љубовта“ бидејќи е одговорен за наклонетоста и приврзаноста.
Бакнувањето предизвикува хемиска реакција во мозокот на детето. Го намалува стравот и ја зголемува самодовербата, предизвикувајќи чувства на љубов и наклонетост, знак дека бебето научило да биде заштитено. Се ослободуваат и вазопресинот, „лепилото“ што ги поврзува мајките и бебињата во првите месеци од нивниот живот, како и серотонинот , кој го регулира расположението.
