Конзумирањето на кој било производ во големи количини може негативно да се одрази на општото здравје, без разлика дали се работи за вештачки шеќер, кој докажано е лош, или на пример некоја здрава храна. Зошто треба да ја ограничите здравата храна? Бидејќи еден производ, колку и да е здрав, никогаш нема да може да му ги обезбеди на телото сите потребни хранливи материи. Ова е причината зошто разновидна исхрана е толку важна. Постојат некои намирници кои многу луѓе ги сакаат и се здрави, но во никој случај не треба да се консумираат секој ден.
- Зеленчук од семејството на зелка
Зеленчукот е богат со антиоксиданси и хранливи материи, особено оние како карфиол, брокула и кељ. Сепак, според научните студии, нивното прекумерно консумирање може да предизвика хипотироидизам, т.е. недостаток на тироидни хормони . Ова е особено важно за луѓето кои примаат хормонска терапија. Ако навистина не можете да поминете ниту еден ден без нив, советот е прво да ги пржите во тава или да ги зготвите со некоја друга храна.
- Туна
Иако е здрава бидејќи содржи омега 3 масни киселини и значителна количина на протеини, туната е богата со жива . Прекумерното консумирање може да доведе до таложење на голема количина на овој тежок метал во организмот, што е особено опасно за децата и трудниците. Лекарите советуваат да не се јаде туна повеќе од еднаш неделно.
