Во пресрет на новата 2023 година, нашата љубопитност повторно овојпат не наведува да истражуваме кои бои, талисмани, украси за домот ќе ни донесат повеќе благосостојба. Секој има своја традиција со која ја дочекува новата година. Некои купуваат нова облека, други нов цвет. Цветовите во домот имаат моќна енергија. Тие можат да донесат повеќе удобност и убавина, додека кактусите се сметаат за конфликтни растенија.
Погледнете неколку растенија кои ќе ни донесат среќа во 2023 година:
Бамбус
Растение што можете да го додадете во вашиот дом во 2023 година е бамбусот. Според фенг шуи, на своите сопственици им носи среќа, просперитет, богатство и среќа. Според кинеската култура, важно е колку стебленца од бамбус ќе одгледуваме. На пример, 2 стебла ја претставуваат љубовта; 3 стебла се за среќа, богатство и долг живот; 5 стебла симболизираат области во животот кои влијаат на богатството; 6 стебла за среќа и богатство, 7 за здравје; 8 претставуваат раст; 9 за повеќе среќа; 10 за совршенство; 21 за просперитет. Стебленцата од бамбус обично не се подаруваат на други, бидејќи се смета дека тоа носи несреќа.
Орхидеи
Орхидеите се едни од најубавите растенија во затворен простор поради нивните големи цвеќиња и богати бои. Се верува дека тие привлекуваат среќа во семејството, промовираат хармонија во врската.
Антуриум
Се нарекува и цвет на фламингото. Убаво растение кое значи гостопримство и елеганција. Станува збор за егзотичен цвет кој е исклучително отпорен и кој воодушевува со својата индивидуалност и оригиналност. Исто така, симболизира среќа и изобилство.
Цитрусно дрво
Цитрусното дрво е исто така едно од најдобрите растенија во затворен простор, за кое се верува дека привлекува среќа, просперитет и пари во домот. Освен што ќе го освежат вашиот простор, цитрусните дрвја можат да ви помогнат да создадете позитивен став за новата година. Нивните бои даваат енергија, ја будат креативноста и радоста.
Босилек
Босилекот е омилен зачин на многу луѓе. Освен што додава вкус, има и голем број здравствени придобивки, но излегува дека според кинеската култура, босилекот е исто така убаво растение за да се има во домот. Се верува дека ако садиме босилек во близина на нашиот дом, злото нема да ни се приближи. Босилек во саксија се смета за соодветен подарок за нов дом, бидејќи ќе привлече среќа и богатство во куќата.
