Бричењето е најпопуларниот метод за отстранување на влакна од пазувите. Лесно е, безболно, трае само неколку минути и затоа го претпочитаат многу жени и мажи. Обично се бричиме со движење на бричот нагоре и надолу по пазувите. Резултатот во повеќето случаи е иритирана кожа, црвенило, чешање, поткожни влакна и други видови на непријатност што не мачат.
Грешки при бричење кои предизвикуваат иритација
Според д-р Алиша Барба, дерматолог од Мајами, цитирана од purewow.com, токму тоа е причината зошто бричењето предизвикува таква иритација на кожата на пазувите. Ова е и причината што доведува до поткожни влакна и чувство на печење по бричењето.
Како да се намали иритацијата после бричење?
Ако ја користите вистинската техника на бричење, ова ќе ја намали иритацијата и поткожните влакна на пазувите по бричење. Според д-р Барба, бричот треба да го поместите во форма на буквата Х, односно да се бричите со вкрстено движење на површината на пазувите.
Оваа техника помага да се намали иритацијата и поткожните влакна, бидејќи влакната од пазувите не растат во една насока, како на пример во нозете и рацете, туку растат во различни насоки.
Бричењето на пазувите е најефикасно ако се прави со вкрстени движења. Ова не само што ќе ги покрие сите влакна што растат во различни насоки, туку и ќе ја направи вашата кожа мазна и заштитена од иритација.
Зошто функционира оваа техника?
Техниката на бричење на пазувите во форма на Х е ефикасна токму поради тоа што го покрива растот на сите влакна без да мора да ги повторувате вашите движења многу пати, што е причина за иритација. Бричењето во Х-форма помага да се отстранат сите влакна со помало движење, соодветно со помала иритација на кожата во оваа деликатна област. Појавата на поткожни влакна се намалува и ако се бричите на овој начин, вели д-р Барба.
