Заматениот вид е еден од знаците за опасно висок крвен притисок , предупредуваат лекарите.
Покрај вообичаените симптоми кои укажуваат на висок крвен притисок, како што се главоболки , крварење од носот, замор, отежнато дишење, забрзан пулс и зуење во ушите, лекарите идентификуваа уште еден симптом за кој веруваат дека исто така сигнализира висок крвен притисок. Станува збор за проблеми со видот, поточно заматен вид, што луѓето ретко го поврзуваат со висок крвен притисок.
Како што е објаснето од Американското здружение за срце, недостатокот на проток на крв во мрежницата доведува до заматен вид или целосно губење на видот , а луѓето со висок крвен притисок се изложени на уште поголем ризик да ја развијат оваа состојба. Високиот крвен притисок, исто така, може да предизвика акумулација на течност под мрежницата, што го нарушува видот.
