Џакомо Казанова (1725-1798) бил италијански авантурист, војник, шпион, дипломат и писател..
Роден е во Венеција, тогашна Венецијанска Република. Неговите родители, актери, биле многу популарни. Патем, актерите од тоа време не биле ценети. Малиот Џакомо им претставувал само товар на своите родители, бидејќи бил во кршливо здравје. Како едногодишно бебе, неговата мајка го оставила , со цел да се посвети на својата кариера. Се верува дека токму тоа влијаело на Казанова, па затоа тој цел живот барал внимание и љубов кај жените.
За некои можеби е непознато дека Казанова отишол на Универзитетот во Падова кога имал само дванаесет години, а во 1742 година станал доктор на правни науки, а потоа и адвокат.
Казанова е поврзан со љубовни авантури и сексуална слобода.
Никогаш не се оженил, но имал дури осум деца. Во своите мемоари под наслов „Приказната за мојот живот“, тој даде причина за сомнеж дека имал афера со неговата ќерка Леонида. Казанова тврди дека имал насилна љубов и сексуални епизоди со нејзината мајка пред неговата ќерка, но дека тој не го допирал детето.
Сакал да го разубавуваат и шминкаат неговите љубовници, тој се облекувал како жена пред нив. Секако, сè што направил остро го нарушувал моралот на денешницата, но и на тоа време.
Приказната за неговиот живот никого не остава рамнодушен.
Малку по полноќ, вооружен со ловечки нож, синот на познатите театарски актери се прикрал на локалните гробишта и таму ископал гроб. Тој ja отсекол раката од телото од гробот за да му се одмазди на грчкиот продавач на зачини Димитриј, кој тој ден го навел да помине низ трошен мост и паднал во „смрдливата кал“.
Казанова тогаш се скрил со раката под креветот на непријателот, кого сакал да го исплаши, така што Димитриј помислил дека некој дух дошол да го посети. За жал, Казанова успеал многу добро во својот план, бидејќи Деметри претрпел мозочен удар од силниот шок и останал врзан за креветот до крајот на својот живот.
Казанова подоцна се бранел со зборовите: „Искрено ми беше жал, затоа што не сакав толку да го повредам“, но тој исто така изјавил дека и него можело да му се случи нешто лошо тој паднал од мостот. Само што имал повеќе среќа.
Ова е само една од авантурите што големиот авантурист ги опишал во своите мемоари, додавајќи дека после тоа, лошата среќа започнала да го следи.
Наскоро бол принуден да ја напушти родната Венеција и да работи дипломатска работа, откако една млада девојка го обвинила за силување. Според неговите мемоари, тој „и одржал лекција“ користејќи метла, бидејќи таа одбила да спие со него, иако тој претходно и платил. Иако подоцна бил ослободен од обвинението поради недостаток на докази, тој дотогаш веќе го напуштил градот.
132 жени и една калуѓерка
Сето ова може детално да се прочита во неговата автобиографија, за која многумина сметаат дека е еден од најважните документи на 18 век, иако го покажува само животот на еден човек кој важел за голем љубовник. Многумина исто така веруваат дека сигурно имало повеќе мажи кои би можеле да се украсуваат со ист наслов, само што никогаш не пишувале книги за своите подвизи. Она што дефинитивно го истакнал Казанова е фактот дека, иако барал задоволство во сексот, тој исто им го давал и на своите партнери. Сепак, ние сме сосема убедени дека многу од нив би сакале да живеат без тоа искуство, затоа што, на пример, ги терал селанките да спијат со него, а исто така однесол и девојка во кревет, за која бил сосема сигурен дека е негова ќерка. Денеска Казанова би бил обвинет за силување, но во тоа време тој бил горд на своите љубовни успеси. И покрај фактот дека благодарение на нив, тој „заработил“ бројни сексуално преносливи болести, вклучувајќи сифилис и гонореја.
Казанова дури размислувал и за самоубиство, но на крајот решил да напише долга автобиографија.
Казанова сакал да се фали како спиел со 132 жени, вклучувајќи и една монахиња и дека редовно посетувал проститутки во бордели. Тој не сакал да користи кондоми (кои постоеле во тоа време), туку се потпирал на видливите симптоми на болеста кај неговите партнерк. Како што наведовме, тоа не му помогнало многу при неговите болести (поради една, не можел да има врска со никого една година), а и станал татко на осум вонбрачни деца.
Целиот негов живот бил полн со скандали, кои го придружувале на бројните работни места што ги извршувал, а исто така ги полнел полициските досиеја со јавни полемики.
Последните години од животот ги поминал како сиромашен, избркан од општеството, досадувајќи се и чувствувајќи се крајно незадоволно од животот. Тој дури размислувал и за самоубиство, но на крајот решил да напише долга автобиографија.
Иако не е познато дали жалел за нешто што направил, тој напишал: „Иако не жалам за моите многубројни љубовни дела, јас сум далеку од тоа да сакам некому да му служам како пример за искористување на понежниот пол, кој е толку заслужен за мојот успех ” И токму така, тој влезе во историјата.
