Личностите кои патат од низок крвен притисок најчесто се жалат на тешко будење, поспаност, вртоглавица, замор, главоболка, губење волја, слаба циркулација и меморија. Во повеќето случаи, со примената на едноставни и лесно достапни природни лекови, нискиот притисок може да се држи под контрола со што помалку симптоми, па дури и целосно да се регулира.
Сол – Јадете солена храна, бидејќи солта ја поврзува водата во организмот. Популарен лек за инстантно дејство е мешавина од сол и јогурт.
Витамин Ц, Б и протеини – Благотворно делуваат не само во лекувањето на нискиот крвен притисок, туку и во неговата превенција.
Вода – Во борбата со хипотензијата, важно е да се пие што повеќе вода за да се зголеми количината на крвта во крвните садови.
Кафе – Го покачува притисокот, па доколку немате проблем со кофеинот, тогаш пијте по една до две шолји на ден. Добра алтернатива за оние кои не се љубители на кафето е зелениот чај.
Глог – Освен за нискиот притисок, глогот е добар и за регулацијата на високиот крвен притисок односно за лицата кои патат од хипертензија.
Рузмарин – Во народната медицина, чајот од рузмарин е веројатно најпознатиот природен лек за покачување на крвниот притисок.
Цвекло – Една чаша свеж сок од цвекло дневно, за една недела може да ги намали симптомите на нискиот притисок.
