1. Спанаќ
Спанаќот содржи витамин А и каротеноидни пигменти лутеин и зеаксантин, а овие супстанции играат важна улога во заштитата на окото од оштетување предизвикано од изложување на сонце и промени во окото предизвикани од стареење. Ќе добиете придобивки за здравјето на очите без разлика дали јадете спанаќ свеж, конзервиран или замрзнат.
2. Кељот
Кељот е зеленчук со малку оксалати, богат со калциум. Оксалатите се супстанции кои ја спречуваат апсорпцијата на калциумот, па затоа зеленчукот кој е и богат со калциум и „сиромашен“ со оксалати е пресуден за здрави коски. Соодветниот внес на калциум и витамин Д е од суштинско значење за градење и одржување цврсти коски. По 50-годишна возраст, минералната густина на коските почнува значително да се намалува бидејќи процесот на распаѓање го надминува процесот на градење на коските. И ова не прави повеќе склони кон болести како што е остеопорозата. Ако не сакате да додавате кељ во салати, обидете се да направите чипс од него така што ќе ги искинете листовите на помали парчиња, ќе ги премачкате со маслиново масло и ќе ги печете во рерна додека не станат крцкави.
3. Зелена салата
Популарно е мислењето дека зелената и ајсберг зелената салата немаат голема хранлива вредност, но тоа е сосема погрешно. Различни видови зелени лиснати салати содржат доволно количество на витамин А, калиум и растителни влакна. А имајќи предвид дека зелената салата ја сакаат речиси сите, дека е достапна и прифатлива, всушност е најлесниот начин да ја зголемите потрошувачката на зеленчук. Дополнително, зелената салата содржи помалку од 10 калории по шолја, па затоа е погодна и за одржување на оптимална телесна тежина, што станува сè потешко по 50-тата година од животот. Покрај правењето салати, обидете се да користите листови зелена салата за да направите тако или пролетни ролати.
4. Брокула
Антивоспалителната диета е најдобар начин да ги заштитите зглобовите, а брокулата може да ви помогне токму во тоа. Содржи супстанца наречена глукозинолат, а според истражувањата од 2017 година, глукозинолатите можат да го спречат уништувањето на ‘рскавицата и на тој начин да ги заштитат зглобовите. Можете да го зголемите внесот на брокула на различни начини, без разлика дали ја потопувате во сос, ја додавате во супи и чорби или додатоци за тестенини.
5. блитва
Последниот зеленчук на оваа листа е блитвата. Темнозелениот лиснат зеленчук во таканаречената MIND диета (Mediterranean-DASH Intervention for Neurodegenerative Delay) се препорачува како храна која треба да се консумира секој ден.
