Рузмаринот има прекрасен мирис и препознатлив вкус. Овој популарен зачин се користи со векови во готвењето и медицината. Но, најверојатно, не сте се ни сомневале во придобивките од натопувањето на рузмарин во масло. Денеска ќе ви ги откриеме кои се тие.
Ви треба:
неколку гранчиња свеж рузмарин
масло по избор – маслиново масло или кокосово масло, стопено во водена бања
стаклена тегла
Начин на подготовка:
Рузмаринот убаво измијте го, исушете го со кујнска хартија и ставете го во теглата. Истурете го одбраното масло врз гранчињата рузмарин, внимавајќи да бидат целосно потопени. Маслото делува како растворувач, извлекувајќи ги корисните соединенија од рузмаринот.
Теглата се затвора цврсто и се чува на темно и ладно место најмалку две недели. Ова му овозможува на маслото целосно да ги апсорбира ароматичните и терапевтските својства на рузмаринот. Потоа се процедува преку газа и се чува во фрижидер.
Придобивки:
Релаксација и подобар сон
Смирувачката арома на маслото од рузмарин придонесува за создавање мирна атмосфера во вашата спална соба, помагајќи ви да спиете здраво. Едноставно истурете мала количина во соодветен сад и ставете го во близина на вашиот кревет.
Здрава кожа и коса
Нанесувањето на неколку капки масло од рузмарин на лицето може да помогне да се навлажни сувата кожа и да се намали воспалението. Неговите стимулирачки својства можат да ја подобрат циркулацијата на крвта, што пак може да ги нахрани фоликулите на косата и да спречи првут и губење на косата. Антиоксидансите присутни во маслото од рузмарин, исто така, ја штитат кожата од штетните фактори на животната средина.
