Пробиотиците се живи микроорганизми кои во желудникот спречуваат размножување на бактерии опасни по здравјето и на тој начин придонесуваат за општата благосостојба на човекот . Позитивното влијание и придобивките се познати со векови, кога нашите предци подготвувале ферментирани производи, а дури и старите Римјани препорачувале конзумирање на сирење. Добрите бактерии се природно присутни во телото и се внесуваат секојдневно преку храната. Но поради модерниот начин на живот и стресот на кој е изложен човекот, како и конзумирањето брза и пржена храна, тоа често не е доволно и се препорачуваат и пробиотици како додаток во исхраната.
Пробиотикот овозможува зачувување на цревната флора, што е особено важно за здравјето на луѓето. Всушност, најновото истражување покажува дека кај човекот има 10 пати повеќе бактерии од нивните сопствени клетки, што значи дека бактериите формираат посебен орган одговорен за општата здравствена состојба на човекот. Овој посебен орган се нарекува микробиом и се состои од сите бактерии и микроорганизми во човечкото тело, околу 40 милијарди бактериски клетки. Одржувањето рамнотежа во микробиомот е клучно за одржување на здравјето на сите.
Познато е дека пробиотиците го зголемуваат бројот на здрави бактерии во цревата , на тој начин:
- помага при акутна дијареа предизвикана од вируси или бактерии
- се користат два до три часа по употреба на антибиотик
– ја регулира PH вредноста во желудникот,
– помагаат да се смират иритираните црева и да се регулира столицата
- помагаат во варењето на храната
- зајакнување на имунитетот
Всушност, пробиотиците ја спречуваат пролиферацијата на патогени бактерии во цревата и ја подобруваат колонизацијата на цревата со корисни пробиотски бактерии.
Обично во една пробиотска капсула има неколку видови на добри бактерии, а во некои случаи оваа комбинација се надополнува со пребиотик. Односно, во производите се наоѓаат Saccharomyces boulardii, Lactobacillus acidophilus, Bifidobacterium lactis, Bifidobacterium bifidum, Lactobacillus rhamnosus и Bifidobacterium longum. Овие соеви ја носат ознаката GRAS (општо признаена како безбедна), која ја дава американската Администрација за храна и лекови (ФДА) на состојките или производите кои се безбедни.
Од приближно 500 видови бактерии пронајдени во цревата, само неколку добри бактерии се избрани за да придонесат за здрава цревна флора . Така, капсулата со бактериите е додаток на пробиотиците кои редовно се земаат со храна, преку ферментирани производи како зелка и кисели краставички или млечни производи како кефир.
Здравата исхрана е клучна за поддршка на здравите бактерии, а со тоа и на вашето здравје.
