Според една древна мудрост, целта на животот е да се спознаеме себеси. Во односите со луѓето често се чувствуваме погрешно разбрани и збунети. Тешко ни е да се ставиме во кожата на другите и да се обидеме да ги разбереме. Станува уште потешко кога не можеме да знаеме кои се нашите вистински желби. Дали имаме храброст да си ги признаеме нашите слабости и силни страни и дали успеваме да бидеме она што навистина сме? Кои се причините што нè тераат да се сопнеме на патот напред? Во следните редови ќе ви кажеме некои од најчестите грешки кои можеби го попречуваат вашиот развој. Тука се:
Она што најмногу ве кочи во животот… сте вие самите
Секако, постојат околности во животот кои се надвор од ваша контрола и кои можат да го спречат остварувањето на вашите планови. Но, личноста која е најодговорна за се што се случува сте вие самите. Запомнете – вие сте на возачкото место! Кажувајќи го ова, секако не ве охрабруваме да почнете да се обвинувате себеси – напротив. Сфаќањето дека вашиот живот зависи од вас, всушност ви ја враќа моќта. Моќта што сте ја дале на другите луѓе, дозволувајќи им да владеат со вашиот живот!
Имате погрешен фокус
Ако постојано се жалите колку ви е лошо, немате пари и како односите со луѓето не ви одат добро – размислете каква енергија испуштате. Не можете да привлечете љубов, изобилство, здравје, среќа ако постојано сте фокусирани на спротивното. Во комуникацијата со другите, понекогаш зборовите не се ни потребни. Затоа немојте да се изненадите ако забележите дека одеднаш сите ваши пријатели почнуваат да ве избегнуваат. Размислете какви сигнали им давате и какви пораки испраќате до универзумот.
Постојано се обидувате да им угодите на другите
Горчливата вистина е дека колку и да се трудите, не можете да ги усреќите сите. Ако сте навикнати вечно да им угодувате на оние околу вас и да се трудите да се чувствуваат добро, на крајот ризикувате да ја потрошите сопствената среќа. Оваа ваша преокупација може брзо да стане деструктивна сила која ве спречува да го постигнете она што навистина го сакате во вашиот живот.
Се плашите
Се разбира, сосема е нормално да чувствувате страв, особено ако сте на работ на големи предизвици во животот. Меѓутоа, ако стравот ве спречува да се движите напред и да растете, тогаш тоа може да биде сериозен проблем. Разберете дека силата не е во тоа да не се плашите, туку да ги правите работите што ги сакате и покрај стравот.
Секогаш барате изговори
Изговорите имаат огромна моќ да ве оддалечат од она што навистина сакате да го постигнете во животот, достигнувајќи го својот целосен потенцијал. Ако навистина сакате вашиот живот да добие поинаков правец, треба да престанете да барате изговори. Не се срамете и не се грижите, само прифатете ги работите онакви какви што се и не обидувајте се да бегате од работата што треба да се заврши.
Не се грижите за себе
Ако сте изложени на високи нивоа на стрес долги временски периоди, работите премногу и не мирувате, голема е веројатноста да го доживеете таканареченото „прегорување“. Во основа, овој синдром доаѓа како сигнал од телото дека навистина не се грижите доволно за себе. За да бидете продуктивни, да се развивате и да одите напред, обидете се да си дадете повеќе одмор и да се рестартирате.
Не си поставувате јасни цели
Една од работите што може да ве спречи на патот кон сопствениот успех е поставувањето нејасни цели. Обидете се да бидете поконкретни така што ќе го именувате во вашиот ум или гласно, па дури и ќе го напишете на парче хартија токму она што го сакате. Поставете конкретни, мерливи и остварливи цели.
Постојано се двоумите
Честопати можеме да најдеме сличност помеѓу двоумењето и стравот. Ако секогаш го слушате тој мал глас во вашата глава кој ви кажува да не правите промени или да преземате ризици и предизвици, никогаш нема да можете да продолжите напред. Обидете се да бидете малку похрабри и да ги следите вашите соништа, без разлика колку тие ви изгледаат големи и страшни.
