Саудиска Арабија, најголемиот извозник на сурова нафта во светот, најави лансирање на еко-град „со нула автомобили, нула улици и нула емисии на јаглерод“ како дел од својата футуристичка мега развојна програма на НЕОМ.
Проектот НЕОМ вреди 500 милијарди долари и треба да изгради населба од нула на живописното крајбрежје на Црвеното Море во кралството.
Престолонаследникот Мохамед бин Салман ги откри плановите за градот наречен ЛИНИЈА во презентацијата емитувана на државната телевизија. Тоа ќе биде „град со милион жители со должина од 170 километри (105 милји), што зачувува 95 проценти од природата во рамките на НЕОМ, со нула автомобили, нула улици и нула емисии на јаглерод“, рече тој.
„Треба да го трансформираме концептот на конвенционален град во футуристички“, додаде лидерот на водечката светска економија, редовно рангиран меѓу најзагадувачките земји во светот.
Принцот Мухамед покажа компјутерски создадени слики од ЛИНИЈАТА, како и пејзажи на чисти пустини и сини мориња.
Градот ќе има услуги како што се училишта, здравствени домови и зелени површини, како и брз јавен превоз, а патувањето не се очекува да трае повеќе од 20 минути од каде било во него.
Вештачката интелигенција ќе има клучна улога во градот, се вели во соопштението, додавајќи дека „ќе се напојува со 100 проценти чиста енергија – без загадување, обезбедувајќи поздрава и поодржлива околина за жителите“.
Изградбата на градот ќе започне во првиот квартал од оваа година, со финансирање од јавниот инвестициски фонд – главниот инструмент преку кој кралството ја диверзифицира својата економија надвор од нафтата.
Проектот предвидува создавање на 380 000 работни места и придонес на 180 милијарди риали (48 милијарди долари) во БДП на кралството до 2030 година.
