Веројатно сте слушнале дека треба да бидете малку луд за да успеете и сигурно сте ги превртеле очите тогаш, како и сега, но навистина е така. Лудоста и успехот се синоними.
Како доказ за оваа теза, да се вратиме малку во минатото. Зарем сите луѓе кои откриле или направиле нешто ново не биле наречени луди во одреден момент низ историјата?
Без разлика дали се работи за љубов, кариера, уметност, врски, активизам или поезија, „лудите“ ги поместиле границите и тоа ги направило познати и успешни.
Луѓето треба да размислуваат поинаку и невообичаено за да можат да направат нешто ново, а еве што ги прави „лудите“ толку успешни.
Го прашаа Далај Лама што најмногу го изненади: Неговиот одговор го воодушеви!
- „Лудиот“ не се грижи што мислат другите
Лудите луѓе одамна го разбрале она што некои од нас воопшто не можат да го запомнат: колку побрзо престанете да се грижите за тоа што мислат другите, толку побрзо ќе напредувате и ќе бидете среќни.
Кога не сте задушени од очекувањата на масите во однос на она што е „нормално“, ќе станете послободни и покреативни.
- Лудите луѓе не размислуваат конвенционално
Повеќето луѓе мислат на начинот на кој им го дал општеството. Но, некои луѓе не размислуваат така, туку имаат пошироки перспективи и не се замараат со она што е нормално и општо прифатено. Овие се луди луѓе.
- Лудите луѓе не се запознаени со правилата – или едноставно не се грижат за нив
Правилата се создадени од луѓе на кои им недостасува имагинација за да ги контролираат брилијантните, креативни умови. Како можете да уживате во спонтаноста на новата љубов ако постојано сте ограничени од времето, протоколите, а тоа не ви одговара ниту вам ниту на вашиот партнер? Како можеш да создаваш кога цело време следиш туѓи упатства и се плашиш да размислуваш подалеку од она што веќе постои?
- Кога ќе кажеш „не“, лудиот слуша „те предизвикувам“
Обидете се да кажете „не“ на луда личност и таа ќе го прифати како предизвик да докаже дека не сте во право. Зарем вечната желба за преживување, одбивањето да се откажеш, наоѓањето друг начин и самодовербата да се вратиш на нозе откако ќе паднеш не е токму она што е потребно за да станеш успешен?
- Лудите луѓе се доволно луди да веруваат во самите себе
Современиот свет е полн со таленти, така што животот стана една голема конкуренција. Кога ќе сфатиме колку е огромен светот и колку луѓе се борат за иста работа, иста личност, истиот дом од соништата, сакаме да кренеме раце и да се откажеме.
Сепак, има неколку луѓе кои ќе успеат и ќе ги остварат своите соништа. Не е дека овие луѓе се поталентирани, попаметни или подобри од вас – едноставно тие веруваат дека се доволно силни и посебни за да го добијат она што го сакаат.
- Лудите луѓе не ги „попречува“ стравот од неуспех
Постојаниот страв од неуспех обично е главната „кочница“ која не ни дозволува да ризикуваме и да напредуваме. Кога срцето ни е скршено, не гледаме како можеме да закрепнеме, па затоа претпочитаме да се заштитиме од новата љубов од страв да не се скрши повторно.
Лудите луѓе не се плашат од паѓање. Тие непромислено се нурнуваат под површината каде што само лебдиме во страв дека она што е долу ќе не повреди. Можеби се заштитуваме од лошото, но за жал, се заштитуваме и од доброто.
- Лудите луѓе не бараат дозвола
Лудите луѓе никогаш не бараат дозвола. Нивното животно мото е: „Попрво би барал прошка отколку да барам дозвола.“ Тие едноставно го прават тоа. Можеби ќе заврши во затвор, можеби ќе добие Оскар. Во секој случај, стравот да не западнат во неволја не ги спречува да направат нешто револуционерно.
- Лудите луѓе се блескави луѓе посипани со ѕвездена прашина
Децата често се обидуваат да разберат што ги прави филмските ѕвезди „ѕвезди“, поврзувајќи го со ѕвездите на небото и нивната светлина. Кога ќе пораснат, сфаќаат дека она што ги прави толку успешни и славни е нивната личност. Нивниот успех е директен резултат на фактот дека тие не се вклопуваат.
- Лудите луѓе имаат интегритет
Секој водач на социјална револуција е наречен „лудак“. Невозможно е да се замолчат лудите луѓе кога е вистината во прашање.
- Лудакот го води страста, а не парите
Кога парите се крајната цел, човек не може да стигне далеку. Можеби ќе бидете финансиски успешни, но ќе изгорите. Парите не се доволни за да ве издржат. Страста ќе ве доведе до поголем и подобар успех отколку што желбата за пари некогаш ќе може.
- Лудите луѓе се доволно луди да веруваат во својата интуиција
Лудите луѓе веруваат во своето шесто сетило, срце, инстинкт… Сите го имаме тоа внатрешно чувство, но ретко кој од нас го следи. Ние го правиме тоа погрешно. Лудите луѓе веруваат во себе, го следат тоа чувство и затоа се успешни.
