За љубителите на компири – овој рецепт е многу лесен и вкусен.
Потребни состојки:
1 кг компири
3 јајца
1/2 литар свежо млеко
100 мл масло
50 гр путер
сол и бибер по вкус
Начин на подготовка:
Компирот се мие и се лупи, се сече на парчиња дебели 1 см и се посолува. Ставете во тава, истурете го маслото и печете во рерна на 170 степени околу 20-25 минути. Потоа истурете ја мешавината од изматените јајца и млеко и посипете со свежо мелен црн бибер. Печете уште 10-15 минути.
Извадете ги од рерна и прелијте ги со врелиот стопен путер. Послужете додека е топло.
На здравје!
