Приказната на Чехов е за жена која не го сакала својот сопруг. Иако се чинел како некој што е совршен сопруг и некој што и дава сè на својата жена, неа не и се допаѓал. Неговите пари, внимание и лесен живот не и биле доволни. Секогаш ќе најдела маана во него, иако не ја знаела вистинската причина, едноставно не го сакала. Само „не ми се допаѓа“, бил нејзиниот одговор.
Нејзиниот сопруг не разбрал од каде потекнува целата нејзина нетолеранција кон него. Тој се обидувал на секој начин да го подобри своето однесување, уште повеќе се грижел за неа и ја задоволувал, но ситуацијата се влошувала секој ден.
Еден ден, сепак, тој решил да се откаже и да ја остави. Тој се качил на брод и пловел по морето некаде далеку од неа. Иако сè изгледало како да се подготвува голема бура, тој не се грижел. Мислел дека неговиот живот не вреди кога сопругата не го сака. Ветровите станувале сè посилни и кога бродот веќе не можел да се види од отвореното море, неговата сопруга извикала по него: „Врати се“.
Тој момент за неа бил како шлаканица по лицето, сфатила колку ќе биде тежок животот без него и колку всушност го сакала. Сфатила, во еден момент, дека покрај себе има маж кој постојано е покрај неа, кој и е најголема поддршка, некој што е добар и посветен и подготвен да стори сé за неа. Тој не бил идеален, мислела таа, но тој секогаш бил со неа.
Но, бродот, заедно со нејзиниот сопруг, се оддалечиле подалеку, сè додека целосно не исчезнал во далечината.
А, жената постојано викала: „Врати се! Врати се! Те сакам! „, Само никој не можел веќе да ја чуе. Морето било бучно, бурата завивала. Таа застанала на брегот и врескала, повикувајќи го, но немало одговор.
Само по загуба и кавга луѓето сфаќаат колку навистина сакаат некого. Понекогаш не сме во можност да ги видиме и разбереме нашите емоции. Ние секогаш се стремиме кон нешто подобро и поубаво, дури и кога сè што ни треба веќе е покрај нас.
Луѓето имаат тенденција да ги идеализираат животите и односите на другите луѓе, мислејќи дека нивниот не е доволно добар, наместо да го ценат она што го имаат во моментот.
Времето поминува многу брзо, не дозволувајте си да си го одречете уживањето со некој близок поради некои илузии. Ценете го она што го имате, бидејќи понекогаш животот не ни ја дава таа втора шанса.
