Во нашево време, сè потешко е да се разликуваат искрените чувства од изговорите. Довербата е премногу кревка и речиси и да не постои дури и во долгите врски. И ние жените сакаме да создаваме дополнителни сценарија во нашите глави за да додадеме малку повеќе „сол“ во таква нестабилна ситуација. Но, всушност, според експертите за љубовни врски, многу лесно и само по овие 3 знаци можете да препознаете дали вашиот партнер ве лаже за неговите вистински чувства.
Се среќавате само кога му е досадно
Сите негови пријатели се зафатени? Не знае што да прави? Па, само тогаш тој излегува со вас. Ако мажот ве стави на последно место, тогаш сигурно не сте негов приоритет, ниту пак чувствува потреба да излегува со вас. Ова покажува дека тој не е многу сериозен во вашата врска и дефинитивно не е заљубен. Во тој случај, не трчајте како кученце веднаш кога ќе „свирне“. Покажете му дека и вие можете да бидете зафатени и во никој случај не откривајте ја вашата непосредна подготвеност да го видите. Ако не ви го расчисти распоредот или долго време не може да одвои барем еден час за да ве види – веројатно не е личноста на која треба да го посветите вашето внимание.
Секогаш наоѓа изговори
Никогаш нема да слушнете дека згрешил – за него секогаш се виновни околностите. Работата, пријателите и другите обврски го притискаат и нема време за вас. Освен тоа, тој е совршен партнер и треба да ви биде мило што воопшто ви обрнува внимание. Не ви дава комплименти, не ви дава барем мал поклон-гест за роденден, бидејќи „не сака такви работи“. Знае дека не ти се допаѓа тоа, но сепак, околностите се такви и не може ништо да промени. Време е да се тргнете од овој човек!
Тој ви гарантира дека ќе имате совршена иднина
Секогаш ви ветува дека следниот состанок ќе биде подолг и поспецијален, дека ќе поминува повеќе време со вас, но никогаш не се случува тоа. Секогаш избирајте го вашиот маж според неговите постапки, а не според неговите празни ветувања. Неговите зборови немаат никаква тежина ако не се поткрепени со акција.
