Како каснува крлежот?
Крлежот е паразит кој бара домаќин. Најчесто се закачува на места каде што кожата е помека околу линијата на косата, зад ушите или во наборите на кожата (препоните, под градите, пазувите ). Откако крлежот ќе најде соодветно место за хранење, ги користи своите усти за да ја пробие кожата на домаќинот, да вметне цевка за хранење во раната и потоа да се храни со крв додека не се наполни. Најчесто убодот не го ни чувствуваме, го забележуваме дури кога околната кожа ќе поцрвени и ќе почне да чеша. Ако не го пронајдете крлежот и не го отстраните, тој сам ќе ви падне кога ќе ви се наполни со крв, што може да биде неколку дена подоцна.
Како да спречите каснување?
Кога ќе излезете надвор, нанесете спреј на вашата кожа , а потоа носете светла тесна облека со долги ракави и панталони . Задолжителни се чорапите кои ги штитат глуждовите. Ставете капа Ако сте на пикник, отстранете ги сувите гранки и лисја од тревата. Не седете во висока трева, во сенка на ниски грмушки, бидејќи таму демнат крлежите. Кога ќе се вратите дома, проверете ја кожата, добро протресете ја облеката, па ставете ја во перална.
Што да направите во случај ако ве касне?
Најдобар совет е да се обратите на лекар што е можно поскоро. Ако сте далеку од клиниката, обидете се сами да ја извадите, но многу внимателно, со ставање на пинцетата најблиску до кожата, по можност под устата на крлежот. Повлечете со рамномерни движења, без извртување. Ако дел од телото остане во кожата, побарајте лекарска помош.
Не истурајте никакви средства врз раната, како што се бензин, алкохол, ацетон и слично, бидејќи во тој случај крлежот може да регургитира цревна содржина која содржи бактерии кои предизвикуваат инфекција.
Во следните денови следете ја вашата состојба . Ако развиете треска, малаксаност, болки во мускулите, веднаш контактирајте го вашиот лекар.
