Краставиците се добри за здравјето. Тие се богати со растителни влакна и витамини. Тие исто така содржат многу вода, која го хидрира телото. Крставиците ги вклучуваме во повеќето рецепти за салата. Честопати забораваме дека можеме да подготвиме и свежо исцеден сок од краставици.
Сокот од краставица е неопходен дар на природата. Тој е исклучително корисен од повеќе причини. Можете исто така да го користите во домаќинството на различни начини.
Како средство за отстранување на мирисите
Сокот од краставица има способност да извлекува лоши мириси од просториите. Ставете го во чаша во агол од собата и непријатните мириси наскоро ќе исчезнат.
Наместо средство против замаглување за прозорци и ретровизори
Попрскајте го огледалото или ретровизорот од вашиот автомобил со сок од краставица. Тоа ќе помогне да се отстрани влагата што ги замаглува прозорците и огледалата. Користете крпа од микрофибер.
Против мамурлак
Ако претходната вечер претеравте со алкохолот, сокот од краставица може да помогне во ублажување на симптомите на мамурлак. Можете исто така да го додадете во шејк или пијалак.
Против лош здив
Редовното пиење сок од краставица може да помогне во рамнотежата на флората во усната шуплина. Ова помага да се неутрализира дејството на штетните бактерии и се потиснува лошиот здив. Сокот од краставица остава свежина во устата и се бори против воспалителните процеси во мукозните мембрани.
За да се намали температурата
Сокот од краставица делува како природен диуретик. Со отстранување на вишокот течности задржани во организмот, сокот од краставица исто така ги намалува електролитите во организмот. Ова доведува до ладење на телото и намалување на температурата кај вирусни и бактериски инфекции. Може да помогне во ублажување на треската.
Ги брка инсектите
Ако ставите сок од краставица во чаша во градината, на масата покрај вас или во собата, ќе уживате во вечер во која нема да ве напаѓаат досадни комарци и други летачки инсекти. Сокот од краставица ги истерува и ги држи подалеку од вас. Можете исто така да го користите како лосион и да го нанесете на вашата кожа. Ова дополнително ќе ја хидрира, што е уште еден бонус.
