Зошто витаминот Д е важен за организмот?
Оптималните нивоа на витамин Д се од суштинско значење за системското здравје. Го регулира растот на клетките и изразувањето на гените (што е од суштинско значење за превенција од рак), ја подобрува клеточната диференцијација и е вклучен во имунитетот, плодноста, мускулната сила, рамнотежата на хормоните, сексуалното здравје, енергијата, расположението и многу повеќе, вели Стивенсон.
Што се случува во вашето тело кога имате недостаток на витамин Д?
Недостатокот на витамин Д влијае на физичкото и менталното здравје. Сите знаеме за остеопорозата, но ниските нивоа се поврзани и со слаб имунитет, депресија и болки во грбот. Тоа е поврзано со лоши резултати во сè, од автоимуни состојби, Ковид-19 и рак до општ имунитет, здравје на хормони и нарушувања на расположението, вели Стивенсон.
Хипертензијата, дијабетесот, фибромијалгијата и невролошките нарушувања, како што е мултиплекс склероза, се исто така поврзани со недостаток на витамин Д.
Кои симптоми може да бидат присутни:
Единствениот начин навистина да знаете дали имате недостаток на витамин Д е да направите тест на крвта од вашиот општ лекар. Сепак, постојат и знаци и симптоми на кои треба да внимавате.
1. Замор
Кога имате тежок дефицит на витамин Д, еден од најчестите симптоми е чувството на хроничен, длабок или неповратен замор. Покрај тоа, лошиот сон е уште еден симптом.
2. Болка во коските и мускулите
Некои студии покажаа корелација помеѓу недостаток на витамин Д и честата болка и слабост во мускулите. Во меѓувреме, болката во коските и зглобовите е честа појава, бидејќи витаминот Д е неопходен за телото да го апсорбира калциумот, без кој може да се појави зголемена кршливост и болка.
3. Губење на косата
Неопходно е за здрава коса која расте правилно. Недостатокот може да предизвика губење на косата или бавен раст бидејќи го нарушува животниот циклус на фоликулот. Се верува дека алопеција е поврзана и со недостаток на витамин Д.
4. Често сте болни
Недостатокот на витамин Д е поврзан со слаб имунолошки систем. Ако сте често болни и не знаете зошто, размислете за тест на крвта.
5. Депресија, анксиозност и нарушувања на расположението
Научните истражувања покажуваат дека витаминот Д може да игра клучна улога во балансирање на нашето расположение и намалување на ризикот од депресија. Ниските нивоа можат да придонесат за сезонско афективно растројство и често се поврзуваат со чувство на преоптоварување, тага, вознемиреност и заборавеност
