Николас е со цел да ја шири културата на танго музиката иистовремено има желба да учи за останатите култури. Дејан Марковски го кани како гостин во Македонија, како негов ментор за танго музика и воедно да споделат информации од сопствените култури.
Николас Морета е роден во Буенос Аирес, Аргентина. Студирал на отсек за гитара и композиција, на конзерваториумот Леополдо Маречал, во Буенос Аирес.
Зад себе има соработка со фолклорни уметници како El Chinito, Silvana Casavalle и El Chagueño Palavecino.
Едни од поважните искуства за него се соработките со танго изведувачи како Maria Graña, Alberto Podesta, Juan Carlos Godoy и Jesús Hidalgo, додека најдрагото искуство му се заедничките настапи со познатиот изведувач на танго музика Rudy Flores.
Настапувал на аргентинските национални фестивали: La cheia (La Rioja) Festival de Pomelo (Formosa), Festival de la Cebada (Puan) и Festival del Cabrito (Catamarca)
Основач е на триото El séptimo pastio, заедно со својот брат Силвестре Морета и Мигел Анхел (гитара) Жофрено (бандонеон), со кои моментално го реализираат својот втор албум.
