Слушањето на песната „I Wanted More“ од Brass Brothers и MIYATTA е вистинско музичко искуство! Со својот енергичен и динамичен звук, песната не носи на патување полно со емоции и адреналин. Брас инструментите од Brass Brothers се маестрално споени со гласовниот потпис на MIYATTA, создавајќи уникатна и заразна мелодија.
Песната „I Wanted More“ е дел од вториот албум на Brass Brothers, „We Are Energy“. Музиката и аранжманот се дело на Горан Мицевски Кус, фронтмен и тромбонист во Brass Brothers, додека текстот е на Наташа Мијат Крстевска. Видеозаписот е во режија на Сара Јазаџиска Бибовска, а директор на фотографија е Борис Ралев.
„I Wanted More“ е веќе достапна за преслушување и купување на сите светски дигитални платформи и музички продавници.
Brass Brothers е македонски музички бенд формиран пред 11 години, составен од професионални и талентирани музичари: Горан Мицевски Кус (тромбон), Костадин Бетов (алт саксофон), Пере Мелов (труба), Илија Мицев (труба), Јован Мартиновски (Dj support) и Никола Митрев (труба).
Brass Brothers се вистински мајстори на сцената, чии настапи се вистинско забавување за сите присутни.Со својот уникатен стил и енергични изведби, тие го претвораат секој настап во незаборавно искуство . Тоа што ги прави нивните настапи така специјални е интеракцијата со публиката. Brass Brothers не само што го изведуваат својот музички репертоар, туку и успеваат да ги вклучат присутните во нивната енергија и возвишеност.
Уживајте во новиот сингл на Brass Brothers & MIYATTA:
