Дојди ко нов ден после отспан живот
Ко сонце после дожд пороен
На пола пат застани
А јас веќе таму ќе бидам
Во бела руба
И коса црвена ко оган
Ко истиот оној во телово шо шета
На пол пат ќе те чекам
Со погача топла
Ко срцево што баботи
И со вино црвено
Ко од усниве боја исцедена
Дојди
Ко вода на сред пустина
И ко вреснат СТОП насреде џагор
На пола пат колку што
Од срцево мое до твоето што има
И сопри на чекор од мене
Сопри и време
Дишење
Збор
И се’ нека оди јабана
И зборој
И мисли кои ги нижам ко ѓердан
Само дојди ми
Со око насмеано
И со сето небо во него собрано
А јас со зеленила во погледот ќе те пречекам
И душа распослана
Ко ливада на пролет
И само два збора ќе скршам
Пред во мене да те стиснам
И со векови да не те пуштам
Само два збора
Со сета љубов
Со јас во нив
И со тебе во себе
Само два
Два алтани од зборој
Добредојде дома
Автор: Ана Бунтеска
