Црешите се богати со витамини, особено со витамините А, Ц и Е. Содржат и железо, калиум, цинк, бакар и манган. Кога од нив ќе направите домашен ликер, ќе имате мелем, не само за телото, туку и за душата.
Благодарение на антиоксидантното и антиинфламаторното дејство, тие влијаат на целиот организам, а освен тоа, ова овошје помага и против несоница бидејќи содржи многу важен антиоксиданс, мелатонин, кој ја игра најважната улога кога е во прашање сонот.
Некои истражувања покажаа дека црешите делуваат речиси како природен аспирин или ибупрофен и дека помагаат при состојби како гихт и артритис.
Најдовме рецепт за ликер од вишни, за кој сите што го пробале велат дека е најдобар:
Потребни состојки:
- 500 грама зрели цреши
- 1 литар ракија
- 500 грама шеќер или мед
Подготовка:
Зрелите цреши исчистете ги од стебленцата и добро измијте ги.
Истурете ги во поголема тегла (да речеме 3 кг) и прелијте ги со шеќер или мед, а со ракија.
Затворете ја теглата и ставете ја на сончево место да отстои 40 дена. Протресете ја содржината на теглата од време на време.
По 40 дена, процедете ја ракијата во соодветно стаклено шише, а црешите не ги фрлајте. Можете да ги отсечете и да ги користите за колачи или едноставно да ги премачкате со темно чоколадо и да ги послужите добро изладени. Овој десерт не се служи за деца.
