Состојки:
- мешано мелено месо 300 гр
- лук 1 глава
- кромид 2глави
- кулен 150 гр
- кора за лазања 300 гр
- излупен домат 800 гр
- вода 200 мл
- сирење 300 гр
- сушен босилек 1 лажиче
- кашкавал 150 гр
- моцарела 100 гр
- сос од домати
Како да се подготви:
Во поголема тава испржете го ситно исечениот кромид и лук, а потоа додадете го меленото месо, исецканиот кулен, зачините и пржете неколку минути. Додадете ја водата, сосот од домати и вриејте петнаесет минути. Додадете ги корите за лазања, излупениот домат и босилекот. Покријте ја тавата и оставете ја на оган околу дваесет минути додека не се сварат тестенините. Додадете го сирењето, кашкавалот и моцарелата, покријте повторно и оставете да врие уште неколку минути додека не се стопи сирењето и кашкавалот.
Јадењето послужете го топло, бидејќи сирењето и тестенините се најубави додека се топли.
Убав апетит!
