Потребна ви е малку вештина, време и трпеливост за да подготвите највкусно слатко од кајсија. Сè друго можете да купите на пазарот.
Состојки
- 1 кг кајсии
- 1,5 кг шеќер
- парче вар
- сок од еден лимон
Подготовка
Кајсиите се лупат, им се вадат коските па се ставаат во варова вода да отстојат 2 часа. Потоа една по една убаво се мијат и се ставаат да се исцедат.
Додека се цедат, од шеќерот и водата се вари шербет кој врие околу 15 минути, па исцедените кајсии се ставаат во шербетот и слаткото се вари на тивок оган додека шербетот не се згусни (околу 30 – 40 минути, можеби и малку подолго).
За да проверите дали шербетот е густ, извадете малку во тацна и оставете да се излади. Потоа проценете за густината. Додека слаткото се вари, повремено со лажица собирајте ја пената.
Откако ќе се свари, тенџерето се покрива со влажна крпа (убаво исцедена) и се остава да се излади. Слаткото се собира ладно во ладни тегли.
