Пролетен рецепт кој ќе им се допадне на целото семејство.
Потребни состојки:
750 гр тиквички
250 гр компири
100 гр сирење
1 чаша брашно
1 1/2 чаша масло
3 јајца
1/2 китка копар
сол и бибер по вкус
Начин на подготовка:
Компирите се мијат и варат, се лупат и се рендаат на ренде. Додадете ги изренданите тиквички (исцедени), 1 цело јајце и жолчките од останатите 2 јајца, ситно сецкан копар, рендано сирење, сол и црн бибер.
Смесата се меси и од неа се формираат ќофтиња. Превртете ги во брашното, а потоа во изматените белки од двете јајца. Пржете на врело масло.
Послужете со соодветна салата, свежи кромидчиња и јогурт.
На здравје!
