ЛЕСНА ПОСНА ТОРТА СО БАНАНИ

Без разлика дали ги држите велигденските пости или сте вегански, еве лесен рецепт за торта без производи од животинско потекло.

Потребни состојки:

100 мл црн чај

100 гр урми, ситно исецкани

100 гр суво грозје

150 гр меласа

50 гр кафеав шеќер

250 гр брашно

2 лажички прашок за пециво



прстофат сол

2 добро созреани банани, пасирани

Начин на подготовка:

Загрејте ја рерната на 160 степени целзиусови. Калапот за торта покријте го со хартија за печење.

Додадете сецкани урми и суво грозје во сè уште топол чај. Лесно загревајте ја меласата и шеќерот, промешајте додека не се изедначи. Тргнете го од оган и оставете да се излади.

Ставете го брашното, прашокот за пециво и малку сол во сад. Во друг сад измешајте ја меласата, пасираните банани и чајот со натопено суво овошје. Потоа комбинирајте ги сите состојки, измешајте добро и истурете во садот за торта. Печете на 160С околу 50-60 минути. За да пробате дали е добро испечено, користете чепкалка за заби – ако излезе сува – тортата е подготвена.

На здравје!