Ако сакате брзо да направите палачинки за појадок, пробајте го овој лесен рецепт.
Потребни состојки:
3 јајца
50 гр брашно
200 мл свежо млеко
40 гр путер
1 лажиче шеќер
прстофат сол
120 гр џем / течно чоколадо / мед
Начин на подготовка:
Изматете ги јајцата со брашното,шеќерот,солта,путерот и постепено додавајте го млекото. Истурете ја смесата во издолжена тава, загреана во рерна со масло. Печете во рерна на 170 степени, 10-15 минути. За време на печењето, палачинката се надува во меурчиња, што е сосема нормално. Треба да се здобие со апетитна златна боја.
Подготвената палачинка се сече на 6 еднакви парчиња, во кои се става по желба џем, течно чоколадо, мед, па се завиткува.
На здравје!
