Освен што се убави за око, тие се и многу вкусни, а она што ќе ве возбуди уште повеќе е дека нивната подготовка нема да потрае многу време.
Состојки:
- 4 белки од јајца
- 70 гр шеќер
- 230 гр шеќер во прав
- 120 гр мелени бадеми
- Прстофат сол
- прехрамбена боја
Состојки за фил:
3 жолчки
2 лажици шеќер
40 гр бело млечно чоколадо
45 гр путер
На пареа згответе ги жолчките, шеќерот и белото чоколадо па во оладениот фил изматете го путерот. Во филот можете да додадете и готварска боја по желба.
Подготовка:
- Загрејте ја рерната на 150 степени. Белките и шеќерот изматете ги со миксер додека не добиете цврста смеса. Потоа додадете ја бојата за храна и промешајте уште една минута.
- Мелените бадеми, шеќер во прав и сол двапати измешајте ги добро за да ги отстраните сите можни грутки. Постепено и внимателно комбинирајте со белките од јајцата. Смесата треба да биде мазна и густа, да не се разлева.
- Ставете хартија за печење во плехот, а потоа користете шприц за да ја обликувате смесата во мали топчиња. Печете 15-20 минути.
- За ова можете да користите џем или слатка павлака, шлаг или обична растопена чоколада наместо филот.
На здравје!
