Многу пролетно и вкусно јадење што е погодно за лесен ручек или вечера.
Потребни состојки за 5 порции:
1,5 кг тиквички
300 гр домати
200 гр свеж кромид
120 масло
50 гр путер
25 гр брашно
3 јајца
2-3 стебленца свеж лук
150 гр кашкавал
сол по вкус
Начин на подготовка:
Излупениот и измиен кромид се сецка ситно и се пржи на масло додека не омекне. Додадете ги доматите на коцки и ситно сецканиот лук. Продолжете да пржите уште 5-10 минути.
Истурете ја смесата во намастена тава и врз неа наредете ги исечените тиквички, посолени и валани во брашно. Истурете мешавина од изматените јајца и брашно измешани во топла вода. Намачкајте со стопен путер и посипете со ренданиот кашкавал. Се пече во загреана рерна на 180 степени околу 25-30 минути.
На здравје!
