Ако земете 10 случајно избрани жени од 40+, седнете до нив и оставете ги да разговараат, излегува:
Дека барем 1 од нив изгубила една бременост, или неколку; најмалку 1 од нив го лекувале и рехабилитирале своето тешко болно дете; барем 1 од нив спасила некој близок од рак, или таа самата имала рак; најмалку 2 од нив одгледувале деца сами, без сопрузи; најмалку 2 од нив доживеале семејно насилство; најмалку половина од нив доживеале тешки финансиски кризи; барем половина од нив некогаш биле напуштени од оние што најмалку се очекувале да го сторат тоа; најмалку 9 од 10 го собрале своето скршено срце барем еднаш во животот; најмалку 9 од 10 закопаа некои од своите најмили луѓе.
И сето тоа ни е напишано на лицата.
Колку и да правиме козметички третмани, колку и да се трудиме да предизвикаме младост. Нашите очи видоа премногу за да бидат како очи на млада девојка. Премногу солзи пролеа секој од нас, секој сам со својата несреќа.
Солзите оставаат траги кои не можат да се покријат со шминка.
Значи, кога луѓето ме прашуваат: „Како да се облечам за да изгледам помладо? – Јас одговарам: „Воопшто не“. Не постои таков аутфит, таков костум, гардероба, шминка, што би ви го избришало искуството, би ја сокрило вашата зрелост, пречкртало се што знаете за животот.
Но, ако и покрај сето тоа се смееме, се радуваме, имаме желба да се дотеруваме, да се разубавиме себеси и овој свет со себе, тогаш тоа значи дека годините не нè победиле, туку ги имаме.
Среќна насмевка на лицето на зрела жена е златен олимписки медал за опстанок.
