Сигурно ви се случило – дури и самата помисла на вкусна храна може да предизвика плунка. И колку поживописно ја замислувате таквата храна, толку е посилна желбата за неа.
Психолозите потврдуваат дека луѓето со развиена имагинација се повеќе склони кон прејадување и дебелеење. Но, тие открија и нешто друго: дека не е визуелизацијата на храната, туку фантазијата за нејзината арома која повеќе влијае на апетитот и тежината.
Според истражувачите од Универзитетот Јеил, способноста да се замисли точно како мириса едно јадење е директно поврзана со зголемувањето на нашиот индекс на телесна маса (БМИ). Истражувачите ги изведуваат своите заклучоци од студијата во која волонтерите пополниле прашалник со кој се оценува силата на нивната имагинација. Две од темите во него се поврзани со нивната способност да го замислат изгледот и аромата на предметите кои не се храна. Третата тема е само за храна.
Волонтерите се поканети да го замислат вкусот и мирисот на свеж леб, печено месо, пуканки, месо на скара. Сликата за храната создадена од фантазијата се оценува на скала која го зема предвид БМИ на волонтерите. Излегува дека луѓето со најсветли слики на храна во умот имаат и највисок БМИ и дека тоа е повеќе поврзано со мирисот на храната отколку со тоа како изгледа.
